سالح حەکیم
هەر ژ پەیدابوونا مرۆڤان، سەر هەسارا عەردی مژارێن ئەدەبی، بوونە ئامرازێن لێکۆلینێ دناڤ هەمی جڤاکێن دونیایێ، ب دەست و تبلێن کەسانێن ژێهاتی و خودان نامیلکە و وەشانێن جودا جودا بوینە داهێنان و دەولەمەندییا پەیڤێ دروستکرییە، لەو شوون تبل و دەستێن وان یێن د وی بیاڤی دا کار و بزاڤ خەباتەکا بەردەوام دکەت پەیڤا نویخواز هاتیە ئافراندن، ب هەمی جورێن وێڤە چیرۆک و سەرهاتی و پەیامێن هەلبەستێ مفا ژێ هاتینە دیتن، پێنەڤێت بۆ ڤێ قووناخێ ژی پەیڤا کوردی بۆ خویندەڤانی بوویە رێورەوەکێ ژیانێ، دەقێن ئەدەبی وەرارکرینە خوندەڤانەکێ تایبەت لدوور خوە دۆرستکرییە، د گاڤێن پێشڤەبرنێدایە کا چاوا ئاڤ و نان پێداویستیێن ژیانێنە بۆ هەر جڤاکەکێ سەر عەردی دژی.
ئەها وەسا کولتۆر و ئەدەب و مەعریفە ژی پێدڤییا هەر مللەتەکینە، بۆ پاراستنا نەریت و دانە نیاسینا جڤاکی، تایبەتی ئەو پەیڤێن دبنە پەیام بۆ پێشڤەبرنا مرۆڤ و مرۆڤایەتی، پێدڤیە هەر ئێک ژ لایێ خوەڤە ببیته پاشخوانەیەک، بۆ هەلگرتنا پەیڤا کوردی قەلم و کاغەز ببنە هەڤالێن تە یێن پڕی وەفادار، ب هەست و سۆز و ئەمانەت کارێ خوە ئەدا بکەی، پێنەڤێت هەر مرۆڤەکی میکانیزمەک د حەزکرنا خواندنا دەقێن ئەدەبی هەیە، بۆ نمۆنە دەستپێکا من بۆ خواندنا نامیلکەکێ بوو پارچە هەلبەستەکا دلداری یا هەلبەستڤانێ مەزن ]سەبری بۆتانی[ بوو بالامن ڕاکێشا، ژ هینگێ وەرە هەلبەست ل دەڤ من، د هەمی بواراندنا بویە پەیامەکا لەو پرتۆک و نامیلکێن شعری ل دەڤ خوە د پارێزم، پێنەڤێت هۆکارێ دەستپێکا هەر کەسەکێ ب ڕەنگەکێ جودا، بۆ خواندن و نڤیسینا دەقێن ئەدەبی هەیە، چونکی هەر نڤیسنەکێ پەیامەکا هەی هەر نڤیسەرەکی رۆلەکێ کاریگەر هەیە، لەو هندەک بوینە پاشخوانەکا هزری بۆ زەنگینکرنا پەیڤێ، ب پەیامێن خوە شیاینە کومەکا گرێکا تێدا ڤەکەن، بۆ جڤاکی یێن بووینە سەرچاوایەکێ مفا وەرگرتنێ.
هەلبەت ژیوار و رۆژەڤا ئەڤرۆ هەی، مە بڤێت و نەڤێت هزر بەرەڤ یاخیبوونێن گەرم و گۆڕترڤە دچن، پەیڤ بەرەڤ گۆهۆرینا بلندترڤە چووینە، لێ دهەمان دەم دا، فەرە ژی تشتێ کلاسیک ژی بهێنە هلگرتن و نیشادان، داکۆ بەرەبابێن نوکە نەهێته ژ بیرکرن، نابیت چ مرۆڤ پەیاما بنپێبکەن، لەو هۆزانڤانەکێ (ئەلمانی) دبیێژین: یێ پرتوک و پەیاما مرۆڤا ب سۆژینیت، ئەو دێ مرۆڤان ژی سۆژینیت!
“ل دوماهی ئەم بگشتی پێدڤی پێتر لێکۆلین و کویراتییا دەقێن ئەدەبینە بۆ پێشڤەبرنا جڤاکی”
