سەربەست بۆتی
وەفاداری
یێ روژێت نەخوش دگەل تەبیت
بەرفرەهیا ژبیر نەکە
بۆ مرنێ ئامادەبیت
هشیاربە ژدەست خو نە کە
وەفاداری لدەف تەهەبیت
رەسەنی و جوانیەکە
داسەنگ و ناڤێ تە هەبیت
ماف و خواستا بەرزە نەکە
دڤێت ئەڤە ئەرکێ تەبیت
چجارا خو ژێدیر نەکە
دێ بهایێ تە زێدەبیت
تو دەرگەهێ خولێڤەکە
ئەگەر وژدانا تە هەبیت
ئەو بوتە پەنا و پشتەکە
چاکیا وی لبیرا تەبیت
ئەڤە رەوشت بەرزی یەکە
داسوز و باوەری هەبیت
رێکێ لبەرخو بەرزە نەکە
بوچیە تە چەند مال هەبیت
بەرپەرێن سپی رەش نەکە
مێژو رەحمێ بکەسێ نابیت
خەلەتی و شاشیانەکە
چەند پلەو پایەیا بەرزبیت
زولم و زورداریێ نەکە
تەچەند هێزو شیان هەبیت
چجا خو بێ منەت نەکە
ناف دێ بەس مێژویا تەبیت
خوب سەروەتی مغرور نەکە
دورکا تە هەر بدوهن نابیت
ئەف دنیا چەرخ و فەلەکە
تە رێزگرتن بۆ وی هەبیت
سەرفەرازی و ناڤەکە
شەنگستێ بەفرێ دێ کەڤیت
دیواری لسەر ئاڤا نەکە
رابردو ل پێش چاڤێن تەبیت
دنیا نە شەڤ و روژەکە
دا جهێ باوەری هەبیت
رێکا درست هندا نەکە
ژیان نامە نابەرزەبیت
دیروکێ لخو تورە نەکە
قەبرێ تاری دێ هەر هەبیت
دارێ دبنی را قەت نەکە
بلا مرن ل بیرا تەبیت
قەنجی و چاکیێ ژ خو نەکە
دڤێت خزمەت رێبازا تەبیت
ئەف ئەرکە نە منەتەکە
