دلدار هاریس
ئەم هەمی دزانین بکاهینانا دەرمانا خرابیێت خو لپشت خوە دهێلیت لسەر لەشی ژبلی باشیێت خوە، دیسان هەبوونا دەرمانا ژبوو چارەسەریێ گرنگیەکا پێتڤییە بوارێ ساخلەمیێدا. هەلبەت دەسپێکا دیتنا دەرمانا ژ گیایی و کەرەستێن مالخوی هاتینە دورستکرن لناڤ کومەلگەهێن مروڤاندا لدەمێت دەسپێکێ. دبوورینا دەمیدا و لدەمێ پێشکەفتنا سەردەم بهزارا جورە دەرمان هاتنە دیتن کو بسەدا ئێش کێم کرینە دناڤ مروڤ و گیانەوەرادا. لڤێ دووماهیکێ ئێشێت دەرونی پتر بلندبووینە و مروڤ بێسەروبەر بوون گەل ڤان نەخوشییا، ئەو هزردکەم ئەگەرێت پێشکەفتنا ژیانا ئەڤرو بلنترە ژ کارێ مێشکێ مە. دەنگ و ئاوازێت موزیکێ ژی ژکەڤندا دەرمان بوو ، دەمێ دایکا بدەنگێ خو زاروکێت خوە دنڤاندن ، دەمێ شڤانا بەزێ خوە لبەر بلویلێ دچەراندن، دەمێ شاهی و سەرخوشییا هەستێ خو پێ بێهوش دکرن. نوکە لپتریا جهێن ڤەکری وەکی سیک و دکان و خەستەخان و مارکتا و .. موزیکێ بکاردهینن لدویف پێتڤیا جهی، بەلێ یا گرنگە ژی موزیکێ بهەلبژێری دورست دا کارێگەریا خوەبکەت. دەمێ ئاژەلێت بەرهەمئینانێ گوه لموزیکێ دبن بەرهەمێ وان زێدەترە ژ وەکی دی. دەمێ تو لدختورێ ددانا دروینی موزیک رێژا ترسێ لتە کێم دکەت و وەکی بەنجەکێ لئێشانادەت. کارهینانا موزیکێ لجهێت دانعەمرا و نەخوشخانێت زاروکا باشترین ئەنجام دیاردبن. هەروەسا ل مەلەڤانگەه و زاونا سەرشوا کارتێکرنەکا ئێکجار باش ل هەمی کریار و هەستا دکەن. لسەیرانا خویا دووماهیکێ لباژێرێ دهوک من دیت پتریا جها دەنگێت موزیکێ ئێکجار خەلەت و نەرەوا بکاردهینان! دا چمە دکانا چەرەزا ڤە وەعز و دەنگێت ئاینی لسەر بوون ، لدکانا پێلاڤا دنگێ گونەه و عەزابا جەهنەمێ ژنەرخێ پێلاڤێ کێمتر بوو. لکافتریا سترانێت عەرەبا و کێوەلیا چ دی نەبوون، ل گەلەك خارنگەها سترانێت بێ قیمەت سەربوون، مخابنی گوهێت بکرا دێ بچ هەست وی دەمی دەربازکەت. هەما ژخوە د تەکسیادا لدویف زەوقێ خودانی یە. لهەمی دونیاێ خەلک تشتی دورست بکاردهینن ژبلی مە تڤێت یا بەروڤاژی بیت. ئەم بوچی دڤاژینە و خەلەت دەرمانا بکاردهینین. لمارکێت جیهانێ هەمیان بگەرە کەس دەنگێ ئاینی نادانیتە سەر جهێن جلوبەرگ و خارنگەهان موزیکا دێرێ یا دێرێڤە و قورئانا پیروز دمزگەفتێدا یا برومەتە، لڤان جها بلا رێزێ ل پەیڤێت خودێ بگرن. بکارئینانا دەنگ و موزیکا خەلەت تنێ ئالوزیێ بو مروڤا پەیدادکەت.
