ناجح بێجانی
رۆندکێن چاڤێن تە ، یێن بووینە دەریایەکا بێ بن و گەلەک جۆرێن گیانەوەران تێدا خوە فێری مەلەڤانیا دکن، سینگێ تە یێ بوویە ئەرد و هەمی کەس دشێن پەیاسا دناڤدا بکن ، گەهێن لەشێ من ھەمی تە یێن دبن مژیلانکێن خوە دا ڤەشارتین ، بەژنا تە یا ڕندو شەپال ، لەوما ئالا ئازادییێ و وەکهەڤییێ پێڤە دچکلینن ،پرچا تە و هەر دوازدە کەزییێن تە، ڕامانا سالەکا دلخۆشکەرن ، دێ ڤیجا وەرە دعەشقا خوەدا نەسۆژین ، بکەینە هێڤینێ دەستپێکەک و ژیانەکا بەختەوەرتر، ئەڤ چەند ڕوژێن ژ ژییێ مە مایین ، بکن دەرفەت و سۆزا خوە دوبارەبکن و ژبۆ نفشەکێ نوی و پاشە ڕۆژەکا خۆشترو ب ڕەونەقتر، بەری ئەز دلێ تە ب خوینم ، من باوەر ژ پەیڤێن تە دکر چما؟ لسەر زمانێ تە و دناف بەرا هەر دو لێڤێن تە دا سوزو پەیمان بمن هاتن دان، ئەز ئەو نە بووم ب ساناهی ب کەڤم د ناف تۆرێن داڤێن تە دا، لێ قەدەرێ ئەز ملکەچ کرم و بارێ ژیانێ ژی هندە دخواست ،ئەڤرو کە ژی هەر ئەز ئەوم یێ ل سەر سوزا خوە لێڤەنابم ،لێ بەرەڤاژی دهزرا مندا یا بوویە کەسەکا دیتر ، رەفتارو کریارێن تە هەمی بەرەڤاژی دبن،تۆ ئەو نەبووی بەری ستێرا گلاڤێژێ دەرکەڤیتن ، تە دگوتە من مرن و ژین پێکڤە بن، ئەگەر باهوز و بابەلیسکەک ژی بن مە راپێچن بەرەف ئاسمانی و د رێیا کادزان ژی ڕابن هەر ئەم دێ بن ئێک نابینەڤە دو یانژی دەما خاترا مرنێ ژێک دخازین ،دیسان بلا گوڕا مە هەر ئێک بن نابینە دو، لێ ئەڤرو تەنها هەمی یێن بووینە بیرەوەری ونازڤرینەڤە…..
