زوهێر کورەمارکی
١- دبێژن ژنکەکا گەلەک قەلەو ل ترۆمبێلەکێ سوار بوو ،نەفرەکی کرە گازی ،گوتی :من نەزانی ئەڤ ترۆمبێلە یا تایبەتە ب فیلاڤە !
ژنکێ ھێدیکا و لسەرخۆ و نەرم گوتێ : نەخێر برا ئەڤ ترۆمبێلە سەفینا نۆحی یە فیل لێ سوار دبن و کەر ژی .
٢- نڤێسەرەکێ مەغرۆر گوتە :نڤێسەرێ بناڤ و دەنگ برنادشۆی ،ئەز ژتە چێترم ،گوتێ :تۆ دنڤێسی داپارا بدەست خۆڤە بینی
لێ ئەز دنڤێسم دا شەرەفێ بدەستڤە بینم
برنادشۆی گوتێ :راستە ھەر ئێک ژمە ل وی تشتی دگەرت یێ وی نە !
٣- شاعرێ ناڤدار و نابینا (بشار بن برد)
وەختەکی زەلامەکێ دارگران گوتێ : خودێ کەسەکی نابینا دکەت یان خودێ تشتەکی ژ مرۆڤی دستینیت تشتەکێ دی ددەتە مرۆڤی !
باشە خودێ چ دایە تە ؟
(بشار بن بردی) گوتێ : ئەو کەرەم یا دایەمن کۆ ئەز یێن میناتە نەبینم .
٤- زەلامەکێ نابینا بۆ خۆ ژنەک ئینا ،
ژنا وی گوتێ ھەکە تە سپییاتی و جوانیا دێمێ من دیتبا دا مەندەھۆش بی
وی گوتێ ھەکە ھوسا با ھەکۆ تۆ دبێژی خودان چاڤا تۆ بۆ من نەدھێلای !
٥- زەلامەکی دڤیا شاعرێ مەزن (متنبی)ئیحراج بکەت !
گوتێ : من تۆ ژ دوورڤە دیتی ،من گوتی : تۆ ژنکی
(متنبی) گوتێ : من ژی تۆ ژ دوورڤە دیتی ،من گوتی تۆ زەلامی !
٦- ژنکەکا گەلەک کرێت ،گوتە : زەلامەکی ھەکە تۆ زەلامێ من بای دا تە ژەھر دەم ،
زەلامی ژی گوتێ : ھەکە تۆ ژنا من بای دائێکسەر وێ ژەھرێ ڤەخۆم ،
٧- تشرشلی وەزیرێ بریتانیا یێ قەلەو ، گوتە : برنادشۆیێ زەعيف ھەرکەسێ تە ببینیت دێ ھزر کەت ،کۆ بریتانیا یا دقەیرانەکا ئابووری دا دبووریت ،
وی ژی گوتێ : ھەر کەسێ تە ژی ببینیت دێ زانیت ھۆکارێن قەیرانێ چنە ؟
٨- زەلامەکی ژنکەک دیت ،گوتێ : تۆ چەندا جوانی ؟
ژنکێ گوتێ : خۆزی تۆ ژی یێ جوان بای ،دا من ژی ھەر ھەمان ھەست بەرامبەرتە ھەبان ئانکو دا من ژی وە گوتباتە !
زەلامی گوتێ چنینە ئەز درەوا دکەم ،کو چەوا تە درەو کر .
