عەشقا من

مهدی گلی

عەشقا من

تيرۆژكێن ژیانا من وهەبونا تە یێن هاتینە بلوك كرن
‎ئەشقا من وئەڤینا تە یێن هاتینە ئاستەنگ كرن
بەلێ بەرهەمێن دناڤبەرا مە دا سپی شیرە
گوهـ بدە نالێنا دلێ خۆ وهەلبژێرە
هەبونا تە بۆ من ب شەڤ چرایە
‎ئاڤا گەردونی یا تەحلە، ل بەر من هنگڤینێ مێشایە
‎ژلێڤێن تە فڕ دكەم دەرمانێ بڕینایە
‎مژویلانكێن تە یێن نەرم وجوان نە ژهەژی تورەیایە
‎كەس نینە ژبلی تە ددلێ مندا بەژنا تە شتلا دارایە
‎تۆ روبارەكی پڕ ئەشقی دلێ من مێرگا خەمایە
‎جو یێن روباری دناڤدا دچن وەكو ئەردێ كێلایە
‎ وەرە دا سالوخەتا رومەتا تە بكەم هێژ ئەشق ددلێ مندایە
‎ دناڤبەرا خەم و خوشیێ دلێ من دهەلبژاردنێ دایە
‎هێژ لێڤێن تە ژ شەرابا لڤێن من تامدایە
‎وەكو راچێتا دكتوران پێكڤەنیسیایە
‎ئاسكە غەزالا من نێچیرا من ل بنێ بەریایە
‎ چاڤێن تە وەكو نەیزكا ژ ئاسمانی درژیێت
‎برسقیایە
‎تیرا ژ كڤانێ من دەركەتی سینگێ تە جهێ نیشانایە
‎دلوڤانیێ ب من ببە غەزالا من ژبەر تە من هەدار نەمایە
‎نزیكە دێ چم بەرەف گورستانا ئەشقێ گورێ من یێ كولایە
‎ یان دێ بم قولنگەكێ كوچەری و نامینم ل ڤارایە
‎تا روژەكێ بانگهەلدێرێ دلداریێ
‎ئەشقا من وتە دكەتە چێرۆك وەك یا مەم وزینایە