ئه‌ڤيندارێن شه‌ڤێ
كچكێ دينێ:
هێشتا خورت بوم
بووم ئه‌ڤيندار
گەهشتمه ڤی كاروانی و
بوومه سيار
سه‌رخاتر به‌ژنا ته‌يا شه‌نگه بلند
بوومه ڕێڤنگ بوومه ڕێبوار!
٭٭٭٭٭٭
کوڕکۆ دينۆ:
ئه‌ز قيزه‌ك بووم
ژ قيزا هه‌ما
بووم سۆتی يا
ده‌شت و چيا و
كانی و .. چه‌ما
مامه ل هيڤيیێ کانێ که نگی
ڕێڤنگه‌ك هێت بكه‌م كه يف و بكه‌م سه‌ما !
٭٭٭٭٭٭
كچكێ دينێ:
نه من كه‌يفه ونه من خوه‌شی
بومه شێتێ ديتنا ته
هه‌وار خودێ چه‌ند جوانی چه‌ند كه‌له‌شی…..!
٭٭٭٭٭٭
كوڕکۆ دينۆ:
من سويند خارییه
ب هه‌می ناڤ و
هه‌می سويندا
پشتی به‌ژنا
ته‌يا ده‌لال
ئه‌ڤينيیێ نه‌كه‌م دلدا !
٭٭٭٭٭٭
كچكێ دينێ:
ل به‌رمن دانان
گۆت ژێ بگره
ته د ڤێد دونيا ڕۆژ بيت ئان ژی شه‌ڤ؟
من ده‌ستێ خوه
درێژ كره ڕه‌ش تاريیێ من گوتێ ئه‌ڤ..!
٭٭٭٭٭٭
كۆڕکو دينۆ:
شه‌ڤ چه‌ند ڕه‌ش بيت
چه‌ندا تاری
ئه‌ڤينی يا من و ته‌یه
ڕوهن دكه‌ت
ئه‌ڤي گوندی ئه‌ڤی واری….!
٭٭٭٭٭٭
كچكێ دينێ:
نه‌يارێن مه پڕ د مشه‌نه
گه‌له‌ك د زۆڕن…!
لێ ل به‌ر تێهنا
ئه‌ڤينی يا من و تە سه‌رێد وانا
د چه‌ماندی نه هه‌ر د شۆڕن….!
٭٭٭٭٭٭
کوڕکۆ دینۆ:
تو دزانی
ئەم یێ د بووینە گیانەك د دوو لەشا دا !
ئەز و لاوکێ دەلال
یێن بووینە مەم و زین د ناڤا ڤان وارادا !
هەکە هات و نەگەهشتین ئێك ژی
دێ بینە جوتەك سپیندارا
شین بین ل بەر چوو کانییا ڤی گوندی دا..!
٭٭٭٭٭٭
كچكێ دينێ:
سوزێ ده‌م ته …سوزا مه‌مێ…..!!
قيزا هه‌ما بومن ڕێزكه‌ن
پشتي مرنا منه كو سه‌حکه‌مێ..!
٭٭٭٭٭٭
كوڕکۆ دينۆ
گۆتنا من بيت گۆتنا زينێ…..!!
پشتی لاوينی يا ته
ئه‌ز تام نه‌كه‌مه ئه‌ڤينێ
ئه‌ڤينی يێ حه‌‌رام بكه‌م
ل ڤێ کچێ هندی هه‌مه ل ڤێ ژينێ…..!
فه‌همی مايی/ سوید
