ئارام دهوکی-کەنەدا
ڕازیبوون و قەبول کرنا سیستەما دیموکراسی نە شورەشەکا دووم کورت و رادیکالە بپێشوایا پارتەکێ یان سەروکەکی. سیسیتەما دیموکراسی بزاڤەکا گەلەک لسەرخو و لدەستپێکێ و رێڤەچوونا پێشکەتنا وێ گەلەك کەساتی و مرۆڤێن نەش هەژی بەرهەمێ وێ یێ دەستپێکی د خون چنکی کەساتیێن خودان شیان و دەستەلات و بازرگان و سەروك خێل و ئیجاخ و …هتد سوودی ژێ وەردگرن و دبیتە هولاکا وان نەمازە د ناڤ جڤاک و مللەتەک ژار و بەلنگاز ژ ئالیێ ئابووری و روشنبیریڤە، یێن دیڤدا گروپێن مەلاق و گەندەل و دوو ریێن جڤاکی سوودی ژێ دبینن ژ بەر کو دبنە دەلالێن خودان دەستەلاتا. لێ ئەڤ یەکە وەکو خۆ نامینە بدرێژیا دەمی، ئەوژی لدیف هەول و تەقەلایێن وی مللەتی د مینە چ زی یان درەنگ ژ بەرکو بەرەف گهورینێ کەتن بپوزەتیڤ لسەر کاودانێت هەمەجوور دراوەستە. گەر ئەم لسیستەمێ دیموکراسی هەرێما کوردستانێ بنێرین د بیت گەلەک و گەلەک پتر ڤەکێشە ژ گەلەک وەلات و ناوچەیێن دن یێن جیهانێ ئەوژی ژ بەرگەلەک راستیێن بابەتیانە. گەر ئەم بکەین خال خال. یا ئێکێ، کوردستان نە ئازادە هەر پێنگاڤەکا بەرەف ئازادبوونا بریارێڤە بچە، دەوربەر دێ ئالوزیا بۆ چێکەن یا پێ چێبە دێ دژاتیێ کەن ئینانا رێکخراوا داعشێ باشترین بەلگە بوو کو براستی سیستەما دیموکراسی لوی دەمی گەهابوو گوپیتکا هشیاربوون و بریاردانێ و گوشەبوونا ئابووری و ….هتد. خالا دووێ گەر سالەکێ ئاسیشا جڤاکەکەکی بێت تێکدان ئەو کاریگەری بدەهان سالان وی مللەتی پاش دێێخە ژبپروسێسا دیموکراسیێ هیڤیێن تاکە کەسی دکوژیت و جڤاکی بەرەف گەندەلیەکا بەرفروان دکە و کەسێن بەرژوەندێن تایبەت پتر تێن پێش و سیستەما دیموکراسی پتر لبەر دلێ خەلکی رەشدکەن، ژ بەر ژهندێ ئەمێ دبینین شینا کەساتیێن خودان شیان و زانست و خودان ئەزموون بێن پتر ئەندامێن بنەمالێت ناڤدارن مینا کورێن بەپرسا و ئاغا و زەنگینا خۆ بەرپژاردکەن بۆ ئێمتیازاتێت پەرلەمانتاریێ. خالا سیێ.ژ بەر دیار بوون و زیق بوونا دەردە سەریێن ڤێ سیستەمێ و گهورینێت مینا رێڤەچوونا کیسەکەلەی خەلک ببورینا دەمێن درێژ و زێدەبوونا سوز و پەیمانا چ گهورینێت هەژی نەهێن ئەنجام بێزاری خەلکی دگرە و ئەو سیستەم ل بەر کوما گەل رەش دبیت و هێدی هێدی ل بەدیلەکی د گەرن. لێ بدیتنا سیستەما دیموکراسی بهەموو کێم و کاسیێن خۆڤە دبیتە سیستەمەکا هەرە گونجای بە بۆ کومەلا مروڤا ژ بەر هەبوونا نەفەسا ئازادیێ و قەبوولکرنا گهورینێ وەکو ئۆپوزشن د ناڤا سیستەمیدا ژ بەرکو ئەو دەلیڤە ناهێت دیتن دناڤا گەلەک سیستەماندا. هەر دەما دەلیڤا ئارامیێ ل هەرجهەکێ جیهانێ پەیداببە و لوی جهی پەیروکرنا سیستەما دیموکراسیێ هەبە گاڤا کلیل کەتن دەستێ گەللەک شارەزا ئێدی پارت لایەنێن سیاسی نەشێن د خوب بلڤن بێێ بریارا مللەتی. بشاهدیا من وەلاتیێن کەنەدی چەندین جارا حکومەتا وان زێدەگاڤی لسەر ستراتیژیا بیروکا ولاتیێ کەنەنەدی کریە لێ جارەک دن کێمتر ژ ٤ سالان ئەو حکومرانی و پارتی و سەروک گهورینە و ژ دەستەلاتێ ئانینە خار. ئەڤجا سیستەما دیموکراسی باشترین سیستەمە بێتە چەسپاندن لێ د گەل هشیاریەکا باش یا مللەتی.
