حەیریمە

ئارام دهوکی

ئەز هنەک جاران

مورکێن رەنگا و رەنگ

کووم د کەم دا بکەم رستک

ستویێ تەدانم

لێ جارەکادی ئەز ژێک بژالەتکەم

ژ بەرکو ژ هەژی تە نابینم

ئەز هن جاران

ل باغا د گەرم جار نێرگزا د کەم قەفتک

جار ژی سیسنا

دا بکەمە

گلواز و د کەمەرا تە بئالینم

جارەکا دی لێڤە دبم

کەمەرا تە ژ گلوازێ نێرگزا جوانتر د بینم

دەما کەسکو سورێ بهارا دنێرم

تێر دکەنم

دبێژم

ئاها ئەو هەمی رەنگێن هەنێ

ژ هەژی شەنگە شوخا

دوستا منن

لێ هند بینم

ژ شرەمێن خاتینیا تە

جارەکا دی کەس و سور و شین

ژ وی واری باردکەن خۆ ڤەدشێرێن

لەوان حەیریمە ئەز

نزانم چ دیاری لایقێ بەژنا تە

پەیدا بکەم

بێ دوولی

دیاریەکا ژ هەژی تە پێشکێشکەم

و لتە نەڤەشێرم