زهێر كۆره‌ماكی
دوهی پێشمه‌رگه بوون
خودانێن چانتكه‌كی و چه‌ند وه‌رپێچكێن نانه‌كێ ره‌ق بوون؟
د برسی بوون..
د رویس بوون
وه‌لێ تێرێن كوردایه‌تیێ بوون
تژی هه‌ستێن باوه‌ریێ بوون
چانتكێ یێ پڕی كوردایه‌تی بوو
پێسكڤیێن چیا بوون
ڤه‌ژه‌نێن هیڤییا بوون
لویلیا تفه‌نگا وان سه‌رێ بێ ئومێدی د شكاندن
هیڤی دكرنه ئارمانج و..
د زه‌ڤیا خه‌باتێ دا دچاندن
په‌یامێن به‌رخودانێ ژ چاڤێن وان دپه‌شین
به‌ره‌ڤ ئاسۆیێن گه‌شتر رێك دشه‌قاند
كه‌ڤر و چیا و دۆل و نهال و شكه‌فت خانی و قه‌سرێن وان بوون
خودان دۆزه‌كا ره‌وا بوون
پڕی باوه‌ری و ئارمانج بوون
سه‌ما دگه‌ل پێلێن مرنێ دكر
ره‌خت و فیشه‌كێن وان هیڤی و باوه‌ری بوون
رزگابوونا ئاخا وه‌لاتی كار و ئارمانجا ئێكه‌مین بوون
دژی پستاڵێن داگیركه‌ران كاروانێ خه‌باتێ دهاژۆت
قۆناغ و ئاسته‌نگ دبڕین بۆ ئه‌لندێ هه‌رده‌م دگرنژین پشتا وان وه‌لات بوو
سینگێ وان سه‌نگه‌ر و ئازادی و دۆز ره‌ڤین د فه‌هه‌نگا وان نه‌بوو
دا بوونه ئاخێ په‌یمان و سۆز هه‌ر دگۆتن یان مرن یان ژی گه‌هشتنا ئارمانجا پیرۆز ده‌سته‌كێ وان چه‌ك بوو
یێ دی ژی پێنڤێس ده‌وله‌ت بوو
د ئارمانجا وان دا چاره‌نڤێس هه‌می تشت گۆری ئاخ و نشتیمانی دكرن ماڵ و سامان گیان و روح ببوونه ناسنامه و تاجا كوردستانێ له‌وما مه حه‌ز و ڤیان ژ دلدانێ داگیر كرنا مه‌ژی
