نزار بنیامێن رێكانی
هه‌ر ژ كه‌ڤن دا ل كوردستانێ گه‌له‌ك نه‌ته‌وه و زمان و ئاینی و مه‌زهه‌بێن جودا جودا هه‌بوون و دیرۆكا وێ ژی ڤه‌دگه‌ریته‌ڤه بۆ وان سه‌رده‌مێن ژیانا مرۆڤان ده‌ستپێكری، نه‌خاسمه ل سه‌دێ بیست و نوكه و ئه‌ڤ پێكڤه ژیانه ژی ڤه‌دگه‌ریته‌ڤه بۆ ئاستێ تێگه‌هشتنا خه‌لكی ژلایه‌كی ڤه و رێبه‌ر و ده‌ستهه‌لاتدارێن مه ژلایه‌كێ دیڤه، مه گه‌له‌ك نموونه ل سه‌ر ڤێ چه‌ندێ هه‌نه، جارێ ئه‌م به‌حسێ وان كێم نه‌ته‌وه و ئایینان بكه‌ین و ئه‌وێن ل هه‌رێما كوردستانێ دژین وه‌ك (توركومان، عه‌ره‌ب، مه‌سیحی، كلدان، ئاشۆری، ئه‌رمه‌ن، ئێزدی وه‌ك ئایین و زه‌ره‌ده‌شتی، جوهی و چه‌ندین مه‌زهه‌بێن جودا وه‌ك سونه، شیعه، كاكه‌ئی، سابیئه، چه‌ندین رێچكه‌یێن ئاینی) ئه‌ڤان هه‌میان پێگه‌هێ خوه هه‌یه د ناڤا هه‌رێمێ دا و مافێن وان د پاراستی نه و پشكدارن د دام و ده‌زگه‌هێن هه‌رێمێ دا و رێژه‌یا وان پتره ژ قه‌بارێ وان یێ هه‌ی، ئه‌ڤه ژی نیشانه‌كه كو ده‌ستهه‌لاتا مه پویته‌ی و گرنگیێ ده‌تێ و ل سه‌رده‌مێ شۆره‌شێن كوردی و بزاڤا رێزگاریخوازا گه‌لێ مه ژی وان ژی پشكداری تێدا كریه و رۆل هه‌بوویه و به‌رپرسیاره‌تی ژی وه‌رگرتینه و شه‌هید ژی داینه و ئه‌نفال و ده‌ربه‌ده‌ری ژی دیتی نه و گوندێن وان ژی هاتینه سۆتن و چۆلكرن و په‌رستگه‌هێن وان ژی هاتینه خرابكرن و سۆتن، ئه‌ڤه هه‌می ئه‌و به‌لگه‌نه كو كوردستان جهێ پێكڤه‌ژیانێ بوویه و نوكه ژی پتری هه‌ر سه‌رده‌مه‌كی پێكڤه‌ژیان ل كوردستانێ یا بهێزه و دێ بهێزتر لێهێت ب سایا سه‌رۆك بارزانی ژبه‌ركو ئه‌و هێڤێنێ پێكڤه‌ژیانێ یه ل هه‌رێما كوردستانێ و ئه‌م هه‌می ب ڤی ره‌نگی دجوانین و جوانیه‌كا دایه كوردستانا مه و بوویه تابلۆیه‌كێ هه‌مه ره‌نگ و بهایێ وێ ژی زۆرێ گرانه و ب هه‌می سه‌روه‌ت و سامانێ دونیایێ ناهێته كرین و فرۆتن.
