مووسا باوانی
ئه‌م هه‌می ڤێ راستیێ دزانین كو مۆبایل ئامیره‌كه ژ لایێ ده‌وله‌تێن پێشكه‌فتی ڤه هاتیه دروستكرن، یانكو ئه‌مریكا ل رێكه‌فتی (۳/٤/۱۹۷۳) كو ناڤێ وی (مارتن كۆپه‌رێ ڤه‌كۆله‌ر) بوو ل (كۆمپانیا مۆتورۆلا) بۆ خزمه‌تكرنا خه‌لكی و د هه‌مان ده‌م دا كارێن مه یێن ساناهی كری و جیهان یا بۆ مه كریه گونده‌كێ بچویك و مفایه‌كێ بێ سنوور یێ تێدا هه‌ی، به‌لێ پا ده‌مێ ئه‌ڤ ئامیره ب خرابی دهێته بكارئینان دێ بۆ مه دیار بیت كو مه‌زنترین دزیكه‌رێ ڤی سه‌رده‌می یه و ده‌مێ ئه‌ڤ بابه‌ته دهێته دیتن هزرێن به‌رفره‌ه؛ بۆ مه چێدبن كا مه به‌حسێ كێ یه، چونكی په‌یڤا (دزیكه‌ر) پتری مرۆڤی بخوڤه دگریت، به‌لێ پا مه‌زنترین دزیكه‌رێ ڤی سه‌رده‌می مۆبایل و بكارئینانا مۆبایلێ یه، ئه‌ڤرۆ ب هه‌روه‌برنا ده‌می ب مۆبایلێ ڤه مه‌زنترین ڤایرۆسێ كوژه‌كه بۆ ژناڤبرنا ئارمانج و سه‌ركه‌فتنا مه چنكی ئه‌گه‌ر مه نه‌بن هیڤی و ئارمانج دێ بو هنده‌ك كه‌سێن دی بووینه ئارمانج و دێ مه بۆ داخوازێن خوه بكارئینن ژلایه‌كێ دیترڤه مه‌زنترین كێشه‌یێن چێدبن ب ئه‌گه‌رێ خراب بكارئینانا مۆبایلێ و دگه‌ل ڤێ چه‌ندێ ژی؛ دێ مه تووشی نـــه‌خۆشیێن مــێـشــكی و ژبیركرنێ كه‌ت و خه‌وا مه دێ ژناڤبه‌ت و گیانێ مــــه تووشی لاوازی و وه‌ستیانێ كه‌ت.
له‌وا یا گرنگه ل ڤێرێ هزرا خوه بكه‌ین و پرسیارێ ژ خوه بكه‌ین ب هه‌روه‌برنا ده‌می ب مۆبایلێ ڤه، ئه‌م چه‌ند دویركرین ژ په‌یوه‌ندیێن (هه‌ڤالینیێ، جڤاكی، مرۆڤانیێ) و ئێك ژ گه‌نجان دبێژیته من مامۆستا بكارئینانا مۆبایلێ زۆركاریگه‌ری یا ل من كری و گۆت من و كچه‌كێ ب رێكا فیسبكێ ئێك نیاسی و هێدی هێدی په‌یوه‌ندیا مه زێده‌بوو پشتی بۆرینا شه‌ش هه‌یڤان بوو حه‌زژێكرن و مالا كچێ دو ده‌مژمێرا ب سه‌یارێ ژ مه دویر بوو، ژبه‌ر هندێ من زۆر پاره مه‌زاختن داكو ئه‌م هه‌ڤژینیێ پێكبینین، هه‌روه‌سا من دره‌و ل گه‌ل دایبابێن خوه دكرن، ده‌مێ ژ مال ده‌ردكه‌فتم و بۆ ئه‌گه‌ر خواندن و كاری بهێلم، له‌وا ئه‌ز تووشتی نه‌خۆشی و كێشه‌یێن جڤاكی دبووم و په‌یوه‌ندیا مه حه‌فت سالان یا به‌رده‌وام بوو. پشتی دو جاران مه خواستی و نه‌دای په‌یوه‌ندیا مه ب ئێكجاری دوماهیك هات، ژبه‌ركویا گرنگه مرۆڤ گوهداریا ده‌روونێ خوه نه‌كه‌ت، هه‌ركه‌سێ گوهداریا ده‌روونێ خوه بكه‌ت دێ سته‌مه‌كا مه‌زن ل خوه كه‌ت بێی كو هه‌ست پێ بكه‌ت و ل پاشه‌رۆژێ دێ گه‌له‌ك په‌شێمان و خوساره‌ت بیت، ئه‌ڤجا دخوازین گه‌نجێن مه چاڤدێریا هزرێن خوه بكه‌ن، دێ بنه كریار و چاڤدێریا كریارێن خوه بكنه دێ بنه دابونه‌ریت و چاڤدێریا دابونه‌ریتێن خوه بكه، دێ بیته كه‌سایه‌تیا ته و چاڤدێریا كه‌سایه‌تیا خوه بكه‌ن دێ پاشه‌رۆژا وان دیاركه‌ت.
