فەهمی مایی
کورد لهەر دەرێ لێبن و جهێ پێ خوە ببینن، ب بزاڤن و چاڵاکی و بزاڤێن خوە بەردەوام دکەن د هەمی واران دا و تایبەت وارێ ڕاگەهاندنێ ژبەرکو دزانن ب وی ڕەنگی دێ پێتر شێن دەنگێ خوە گەهینن ئێکودو و خەلکێ بیانی و لەوا ژی دەما کورد ئاوارەی وەڵاتێ [سوێدێ] بوین کو دشێین بێژین ئێکە ژ وان وەڵاتێن مەزنترین ڕێژەیا کوردا لێ خوە جهو ئاوەرەبوین! ژ دەستپێکا هاتنا وان بو وەڵاتێ[سوێدێ]پێتر د ساڵێن هەشتیان دا،کورد شیان جهێ خوە دناڤ کومەڵگەهێ [سوێدێ] دا بینن و زەمینەک باش بو وان چێبو، کو بەردەوامیێ بکار و خەبەتا خوە بدەن و ژ وان کارێ وان دەستپێکری کارێ دانانا کومەڵە و فیداراسیونا بوو، کو پێتر لئێکودوو کوم ببن و هەر بڕێکا ڤان کومەڵە و فیدراسیونا پێتڤی بوون بڕەنگەکی پێتر چاڵاکی و بزاڤێن خوە بگەهینن ئێکودو وپێتر ژ ئێکودو ئاگەهداربن و ئەو ژی ڕێکا [ڕادیویێ] بو کو ل وەڵاتێ سوێدێ ئەو دەلیڤە بو هەمی پەنابەرا هەبوو لەوا ل ساڵا 1990ێ ل مەها خزیرانێ [کومەڵا کوردا یا سپونگا] کو ل ستوکهۆڵما پایتەختێ سوێدێ ئەڤ پێنگاڤە هاڤێت و ڕادیویەکا کوردی داناند بناڤێ[ڕادیویا دەنگێ کومەڵا کوردی ل سپونگا-ستوکهۆڵمێ] و دوو کەس شیان ڤێ ڕادیویێ بڕێڤه ببەن بناڤێ هێژا[بارزان شاسوار و هیوا زەندی] ب پشتەڤانیا کومیتا هاریکار یا[ کومەڵا سپونگا] کو هێژا [حەجی کاردوخی]ئێک ژ وان بو یێن پشتەڤان و مروڤ دشێت بێژیت کو ئەڤ ڕادیویە یا بتنێ دەڤەرا [ستوکهوڵمێ] بو ئانکو پێتر نە دکێشا ژ وێ دەڤەرێ. ڕادیو بەردەوام دبیت لسەر کارێ خوە..د ساڵا 1995ێ چەندین کەسێن دی کەتنە د ڕادیویێ دا سەرپەڕشتیا هێژا[حەجی کاردوخی] و یێن تێدا کاردکر هێژا [فەهمی مایی] هێژا [ئاسو موکریانی] هێژا [دلبرین] هێژا[ شەفیق کایا]هێژا[ڕزگار کێستەی] هێژا[رفعەت شێخو] هێژا [عصمەت ئوزون] وخانما [ڕۆناک جانڕوی] خانما[زینەت] و خانما [نەسرین ڕوژکان] لێ گەلەک ژ ڤان ڕوژنامەڤانا، بەلکی ب ساڵا و بەلکی هندەکا ب هەیڤا کار کریە، ئانکو باهرا پێتر یێن دەمی بوینە ژبەر کار و ژیانا وانا کەسایەتی و خێزانی نەشیاینە بەردەوامیێ بدەنێ. ڕادیو بڤی ناڤی بەردەوام دبیت هەتا ساڵا 1998ێ و پاشی ناڤێ وێ دگوهڕن بو [دەنگێ کومەڵا کورد یا دیموکراتیک و کولتوری ل ستوکهۆڵمێ]. لێ هەر د وان ساڵادا پشتی شەڕێ خویناوی یێ براکوژیێ ل کوردستانێ،دناڤبەرا هێزێن سەرەکی یێن کوردی دا،ب پێڤی دیت کو ناڤێ ڕادیویێ بگوهڕن بو ناڤێ[ڕادیویا ئاشتی] و دەست ب بەڕنامێن خوەیێن ئەدەبی،چاندی،کەلتوری ،سیاسی و دەنگوباسێن سوێدێ و کوردستانێ و کار و جاڵاکیێن پەنابەرێن کوردێن سوێدێ و دەرڤەی وەڵات کرن. ڕادیویا ئاشتی بەردەوام بو لسەر FMێ هەتا ڤان ساڵێن دوماهیێ،لێ نوکە کەتیە د سوشیال مێدیان دا وەکە فەیسبوک،یوتوب،ئێنستگرام و تویتەرێ وەکی تێلفزیونەک دەردکەڤیت بدەنگ و ڕەنگ بڕەنگەک زیندی. دیسان گەلەک ڕوژنامەڤان ژ هەر چار پارچێن کوردستانێ کەتنە تێدا و کارێ ڕاگەهاندنێ کریە و تێدا دکەن و بەڕنامێن ڕەنگا و ڕەنگ ب ڕەنگەک زیندی ڕوژانە بەڵاڤ دبن. یێن کو نوکە بەردەوام لسەر کارێ [ڕادیویا ئاشتی] و بەڕنامێن ڕەنگاو ڕەنگ بەڵاڤ دکەن ڕوژانە یان حەفتیانە وەکە خوەبەخش،چەند ڕوژنامەڤانەکن وەکە [حەجی کاردوخی] و [فەهمی مایی] و [ ئاسو موکریانی] و ژ هەژی گوتنێ یە کو ئەڤ ڕادیویە سەربخوەیە و بێ لایەنە و هاریکاریا وێ یا مادی هەر لسەر ئەندامێن وێ یە و کەسێن تێدا کاردکەن ژی خوەبەخشن و بێ بەرامبەر کاردکەن و بتنێ خزمەتەکە بو گەل و وەڵاتێ خوە دکەن!.
