زوهێر کورەمارکی
ئەگەر ئەم پێناسەکێ بدینە رەوشتی دێ بێژین: کۆمەکا سنج و بھاو داب و نەریتایە دناڤ مەژی و ناخێ مرۆڤاندا،ئەوسلۆکە ئەوێ مرۆڤان برێڤە دبەت، بۆ دیار دکەت کا چ یێ دورستە و چ یێ خەلەتە و چ بکەت باشە و چ بکەت خرابە خۆ ژی دوور بکەت؟ ئانکو وەکی خۆدیکەکێ یە،ئەوە بۆ مرۆڤان ژیانێ رێکدئێخیت و پلان و بەرنامێن جوان بۆ ژیانا مرۆڤان ددانیت و مرۆڤا پالددەت کو لسەر برێڤە بچن و ژیانا خۆ جوان و شایستە بکەن وئەتەکێتێن ژیانێ نیشا مرۆڤان ددەت و رێزگرتن و بھایێن کۆنتاککرنێ دگەل ھەڤ پیرۆز رابگرن و ئێکودوو قەبیل بکەن و دوور بکەڤن ژ شکاندنا ئێکودوو و لاپەرێن تاری و رەش و کرێت و لگەل ئێک بگرن و دابێخن و لاپەرێن جوان و شەنگ و ھەژی ژیانێ دگەل ھەڤ ڤەکەن، ببنە کەسانێن ئاڤەکەر و کار بۆ خوشکرنا ژیانێ بکەن و ھندی بشێن ئالۆزیا لبەر سینگێ ئێکو دوو و ژیانێ راکەن.
رەوشت مرۆڤان ئاگەدار دکەت کو ھشیار بن نەبنە فاکتەرێن ئالۆزی و قەیران و شەڕا، چونکی ئەڤە جڤاک و مللەتان ژ ناڤ دبەت و تاک و خێزان و جڤاکان وێران دکەت. دیار دکەت کو شەر ناقۆسەکا گەلەک ترسناکە چ بھایا بۆ ژیانا مرۆڤان ناھێلیت و یەکەم تشت رەوشتی ژناڤ دبەت،ئەگەر رەوشت چوو ھەمی تشتێن دی ل پەی دھێن؟
دبێژن جارەکێ
ئەندێرا غاندی کچا جەواهیر لال نەهرۆی ئێک ژ سەرۆکێن ھندستانێ ل سەر زارێ بابێ خوە ڤەدگێریت.
من پرسیار ژ بابێ خوەکر: د شەران دا چ روو ددەت؟
گۆتی: ئابۆر ژ ناڤ دچیت.
باشە ئەگەر ئابۆر ژ ناڤ چو دێ چ روودەت؟
گۆتێ رەوشت دێ کێم بیت و بھایێ خوە نامینیت.
و ئەگەر رەوشت نەما دێ چ روودەت؟
گوت: ئەگەر د وەلاتەکێ دا ڕەوشت نەما، ئێدی تو نەشێی لێ بمینی و دێ ھێلی.
مرۆڤ د شێت دجڤاکەکیدا بژیت ئاریشەیا کێمیا خارنێ ھەبیت، لێ نەشێت دجڤاکەکیدا دا بژیت کێمیا ڕەوشتی ھەبیت.
بێی ڕەوشتی
زانست و یاسا و چاکی دێ ژ ناڤچن، و وەلات دێ بیتە دارستان.
ڤێجا ھشیار بن نەھێلن مال و خێزان و جڤاکێ ھەوە تۆ ژ ناڤ چوونا رەوشتی ببن چونکی دێ کارەساتێن نەچاڤەرێکری لدووڤ بسەر ھەوەدا ئینیت. رەوشت و خۆ زانین و زانستی ژی ژناڤ بەت گەر ئەو ژی چوو ژیان بێ واتا دمینیت.
