محمد مراد
ل گوندەڪێ ڪابرایەڪێ خانیڪەڪێ ئاخێ هەبوو، چلێ زستانێ بوو،ڪاریتەڪێ ژۆرا وی شڪەست بوو، دا بسەر عەیالێ وی دا هێتە خار،دبن بەفرێ دا،جامێری بو خو ل ڪاریتا دگەرها دا بانێ خو راڪەت، و ڪاریتە بڪەت،گوندیەك هات گوت جیران تە خێره، گوت ئەزێ ل ڪاریتەڪێ دگەرهم بانێ مه دێ ڪەڤیت، زڤستانه ژی دێ وی ڪاریتێ ژ ڪەستی ئینم دەرێ هێشتا ب سەرمە دا نەهاتی، گوت ڪاریتەڪێ باش مە یێ لدەرێ مالێ هەرە بو خۆ بینە، ڪابرا چو ڪاریته ئینا و دانا جهێ ڪاریتێ ژ ڪەستی و بانێ خو دورست ڪر،،و سوپاسیا خودانێ ڪاریتەی ڪر…
شەف ڪابرای خودانێ ڪاریتەی چو مالا ڪابرای روینشت خارێ،چایەك ڤەخار و گوت باشه بوو من ئەو ڪاریته دا ته،چەند لاوه، گوت سوپاس شەڤادی ژی هەرچو،هەر گوت چەند ڪاریتێ من لاوە من نەدا باتە، ڤێ زڤستانێ دا خانیێ تە هەرفیت،چەند روژ و شەڤا ئەڤ پەیڤه دوبارەڪر، ڪابرا تەنگاڤ ڪر،جارەڪا دی خودانێ ڪاریتەی هات دەڤ گوت،چ ڪاریتەڪێ لاو بو من دایە ته،….
ڪابرا زور تەنگاڤ بوو، گوت وەعد بیت ئەز وی ڪاریتەی ژ خانی خو بینم دەرێ، هەر چەنده چلێ زستانێ بوو، لێ خودانێ ڪاریتەی هند بهنا وی تەنگ ڪر ،ناچار بوو چو ئەو ڪاریته، ئینا دەرێ بو ڪابرای زڤراند، ل جهێ وی گەرومەڪێ دار مازی دەینا، ژ ڪەربێن خودانێ کاریتەی دا، هندی هاتبا چاڤێ وی بڪاریتێ وی دڪەت دا بیژیت من ئەڤ ڪاریتە نە دا با تە، داخانی تە هەرفیت، ڪاریته بو زڤراند، گووت ڪاریتێ تە سەرێ تە بخوت، من نەڤێت،….
راستی ترامپی وەك خودانێ ڪاریتەی ل زیلنیسڪی ڪر، چەند جارا گوت ئەگەر مە پارە و هاریڪاری نەدا بان تە، تە نە دشییا چ بڪی بهنا زیلنیسڪی تەنگ ڪر، هەتا دمێژوویا ئەمریڪا دا ئەڤه بو جارا ئیڪێ یە، سەرۆڪێ وەلاتە ڪێ د ڪوچڪا سپی دا ل پێش چافڪێن ڪامیرا و ژمارەڪا زور بەرپرسێن ئەمریڪی، دەنگێ خو ل سەروڪێ ئەمریڪا بلند بڪەت،و بێ ترس و بهێز و بوێرانه دگەل سەروڪێ ئەمریڪا و جێگرێ وی بدەنگێ بلند و ب تورەی باخفیت…
راستی ژی ترامپ سەروڪێ دەولەتەڪا زل هێز ،ڪو خو دانیت(سید العالم) هند بەحسێ پارە و هاریڪاریێت بێ مەعنا و بچك تەحن بدت سەرۆڪێ وەلاتەكێ ئاسای ئەڤە سێ ساله دشەری دا دگەل زلهێزەڪا جیهانی و پتری1 ملیون شەهید و قوربانی داین ل پێش چاڤڪێن ڪامیرا سفڪی بەحسێ سەروڪێ ئوڪراونیا بڪەت و بشڪێنت، و چك و تەحنا بدت زەلامەڪێ، ڪو شیایی خو لبەر سینگێ روسیا بگریت، ترامپ دوێ باوەرێ دابوو، زیلنیسڪی بترسیت و دەستێ خو بدت سینگێ خو بو ترامپی و ئەمریڪا لێ پێچەوانە بو ترامپی هات ڪو ئەوێ خو لبەر سینگێ روسیێ گرتبیت،قەد ژ گەڤێن ئەمریڪا ژی ناترسیت…
