مەهدی گلی
ئەشقا بەرزە
هەر جارەڪا بەحسێ وێ
بڪەم دلێ من وەكو
دهولا دهولقتێن گوڤەندا
لێ ددەت.
وەڪو زارۆڪەڪێ
ئێتیم لێ دهێم دەمێ ل
بازاران ل ڪولانا
ڪەسەڪی هەڤشێوەیێ
دایڪا خۆ دبینیت وبیرا
دایڪا خؤ دڪه‌ت،
وروندڪ وەڪو ڪانی
بوهاریڪا ل چاڤێن وی
دهەلاڤژێن و رویێن وی
دڪەنە مێرگەڪا ژئاڤێ
ئاڤزبوی، ول دەمێ ب
هەسرەتا دایڪا خۆ بۆ
هەمبێزڪرنەڪێ گازی
دڪەتێ وڤه‌جنقیت
و هەست ب ساریێ
دڪەت، ول بیرا وی
دهێت ئەڤە ئاشوپەیە ئەو
تێدا، چونڪە ئەڤە
سالەڪ ب سەر مرنا
دایڪا ویدا تێپەری، هێژ
ڪەسێ گرنگی پێندایە
وهەست و هەمبێزا
دایڪینیێ بۆ
ڤەنەڪریە، لەو دوبارە
چاڤێن وی نەشێن خۆ
رابگرن ژ رۆندڪان، پا
ئەگەر باب ژی ب مریت
ڪی دێ پشتەڤانیێ و
پشتگەرمیێ دەتێ و ئارام
و ڪەیفخوش ڪەت؟
ئەز ژ وەسا هەر مێیەڪا
هەڤشویێ تە دبینم، ل
دویڤ دچم تا ل هوش خۆ
دهێمە ڤە هینگێ دزانم
ئەڤە ئاشوپەیە ئەز تێدا. و
ل دەمێ لپشتەڤانەڪی
هەڤالەڪی بگەرێم من
ئارام وڪەیفخوش
بڪەت، ئاخ موخابن
هەستدڪەم مرۆڤ ل
جیهانێ نەماینە و بتنێ
ئەز مرۆڤم، لەو د ڪەلا
خۆ دخریقێن دچم و بێریا
تە دڪەم ئەی پەریا
ژئەسمانا داڪەفتی
وبەرزەبوی
ئەرێ گول نێرگزا من
زارۆڪێن ئێتیم وسێوی،
دڪەڤنە بەر پەلندارێن
بێ وژدانا،
پوختانڪەرا،درەوینا،
ناخرەشا، هەر چەندە ئەو
زارۆڪەڪ دلپاڪ و ئارام
و دویرە ژوان تشتێن بۆ
دهێنە هەلبەستن.
ئەز ژی وەڪو وی
زارۆڪیمە، لدەوربەرێن
من مرۆڤێن درندە و هوڤ
دەوردانە وەڪو ڪوتانێ
ئاگر هەلڪرینە و ئەز
وەڪو “ئیبراهیمی” ل
ناڤدامە، هەر ڪرێتیەڪ
گوتنەڪ ژهەژی پوختان
ددەنە پال من، لێ ئەز ژی
وەڪو ئیبراهیمی یێ
پاڪم و ژهەمی تشتێ
وان بێگونەه و
تافیلڪریمە. وئەڤە
هەمی ل سەرەكی وتو
بتنێ ل سەرەڪی تە
مێشڪێ من یێ
داگیرڪری ئاگرێ تە ژ
ئێتوینا بۆ “ئیبراهیمی”
هاتیە هەلڪرن دژوار ترە.
هەسرەتێن من وەڪو
دەریایەڪێ نە پێل پێلە
رادبن و دفیریێن بۆ دەمێ
خولەڪەڪێ ژی بیریا تە
ژدەست نادەم، هێژایا من،
تە ئەز یێ هێلایم، دلێ
من نە یێ ئارامە پر بئێش
وژانە،دشێم هەر ڪەس
و هەڤال و مالباتا خۆ ژ بیر
بڪەم، بەلێ قەد نەشێم
تە ژبیر بڪەم، چ مەزنی
و دفنبلندیە تە ئەز
هێلایمە د باژێرێن
هەسرەتاندا بێ خوی وبێ
خودان.
ئەرێ گول شلێرا من تو
دزانی دەرد و ئێش
و هەسرەت ل سەر روویێ
بێ ئومێدیێ گەشێ
دڪەن وخودانێ خۆ
بەرەڤ مرنێ دبەن؟!،
ب تنێ من ئارامی
وڪەیفخوش ژتە دڤێت،
دەستێ من یێ راستێ
دگەل یێ چەپێ بگرە هێژ
نقومی دەریا
خەمانەبویم.ڤەگەرە
وەغەرا تە گەلەڪ
ڤەڪێشا من بەس راگرە
ل سەر پەیسڪا ئه‌شقێ
ڪو هندە دێ پێتی بیت و
ل بن پێن من رزیت و
ئێدی هەتا هەتایێ تو من
نابینی وبه‌ره‌ڤ وه‌غه‌را
نه‌زڤرینێ دێ چم.
