هەلز عەلی سەلیم
ل وی ئێڤارییا زەنگا موبایلا تە
قێریێن دیرۆکەکا بێ وێنە رادهێلان
ل وی ئێڤاریێ واتە و پەیڤ
د بوونە زالگەهەکا بێ ویستگە
ب رۆژئاڤا بوونێ ڤە دیتن
دا هەلویستێ هەلاویستی
بکەتە دقەیرانا جاڤکەکی دا
و زەنگا بێ دەنگیێ
بەرەڤ شەڤبیریەکا نە
چاڤەرێکری
ب خەملینیت …
لەو نامێن ئیڤاری
لبەر سترانێن بێ ئاواز
دبوونە قەفتەکا وێنا
دیمەنێن گولستانی د
نەخشاندن
دا بوهارەکا پری مژیلانکێن
رەش
دیلانەکا نەورۆزی پێ شاد
بکەت…
هەمی رامان
دبوونە ئەسمانەکێ شین
و هەیڤ دناڤا لال بوونێ
دا بەرزە دبوو
سیمایێ دونیایێ ل بەندا
هەبوونا لولوکا رەشاتیا
چاڤێن پری ئاڤ
گەش دبوو
و واتەیا ناڤان د پائییزا
سینگی دا
ئازادیا عشقێ د ئاڤراند
ڤێجا بەس چیرۆکێن
نەرازیبوونێ دناخی دا
بجینە
پەیاما گەشتیاریێ لێدانا
زەنگەکێیە و نە هەبوونا
مێیەکێ یە.
