هشیار شکاک خورشید
دوای خیانەتی شازدەی ئۆکتۆبەری ساڵی ٢٠١٧ کە بە هۆیەوە شاری کەرکوک ڕادەستی حەشد و پاسدار و شوڤێنیەکان کرا ئێدی داینامیکی دەسەڵات لە کەرکوک گۆڕانکارییەکی بەرچاوی بەسەردا هات. چۆنکە پێش ١٦ی ئۆکتۆبەر کورد زۆربەی پۆستە ئیداری و ئەمنییەکانی شارەکەی لە دەست بوو، بەڵام دوای ئەو ڕووداوە جگە لەوەی کورد زۆربەی پۆستەکانی لە دەستدا تەنانەت لە خۆشی و لەزەتی ژیانی سەر زێدی خۆیان بێ بەش بوون، چۆنکە وای کرد بەشێکی زۆریان ئەو شارە بەجێ بهێلن لە کاتێکدا سەدان ساڵ بوو لەگەڵ باب و باپیرانی خۆیان لەو شارە دەژیان، ئەمەش وای کرد گۆڕانکاری لە نفۆسی کورد لە کەرکوک دروست بێت و خۆی لە کەمی بدات، شاری کەرکوک دوای ١٦ی ئۆکتۆبەر چووە قۆناغێکی تەواو پۆپۆلیستی و خۆسەپاندنی زۆرینە بە سەر کەمینەدا چۆنکە کورد ڕووبەرووی زۆڵم و زۆرداری زۆر بووە لە لایەن شوڤێنینەکانی شارەکە، هەر چەندە دوای وەڕگرتنی پۆستی پارێزگاری کەرکوک لە لایەن کوردەوە کەمێک لە خەمەکانی کوردی کەرکوک لاواندەوە، لە بەر ئەوەی خەڵک وا بیری دەکردوە ئێدی تەواو چی دیکە کورد لە کەرکوک زۆڵم و تەحەدای لێ ناکرێت و ناچەوسێندڕێنەوە، بەڵام وەک ئەوەی خەڵک بیری لێ دەکردەوە وا دەرنەچوو ، ئەو ڕووداوەی دوێنێ لە سەرگەران کە جوتیارانی کورد دەیانویست لە سەر زێدی باب و باپیران و خاکی رەسەنی خۆیان کشتۆکاڵ بکەن، بەڵام دووبارە لە ژێر دەسەڵاتی پۆستی پارێزگاری کەرکوک کە کوردە لە پشکی یەکێتی ڕووبەرووی ئازار و تەحەدای حەشد و پاسدار و شوڤێنینەکان لە کەرکوکی قودسی کوردستان بوونەوە، هەر وەک هەموومان بە چاوی خۆمان بینیمان چەندە دیمەنێکی جەرگبر و ناخ هەژێن بوو کاتێک سەربازێکی شۆڤێنی بە ملپێچ جوتیارێکی کورد لە سەر تەراکتۆرەکەی خۆی بە هەموو هێزی خۆی ڕادەکێشێت بۆ ئەوەی لە سەر ئەو تەراکتۆرە بێنێتە خوارەوە ، تاوەکۆ ئەو زەویە نەکێلێت، بێ ئەوەی خاوەن زەویەکە رەدفعڵێکی توندی هەبێت تەنیا ئەو قسەی کرد گەر بشم کۆژی دانابەزم، بەڵام ئەوەی جێگای خۆش حاڵی و دڵخۆشی جوتیارانی کورد و خەڵکی ناوچەکە بوو وەک فریادرەسێکی هەمیشەیی هەر لە ساتی دروستبوونی ئەو ڕووداوە سەرۆک بارزانی و مسرور بارزانی سەرۆکی حکۆمەتی هەرێمی کوردستان هەر زوو بە جیا ڕاگەیاندراوێکی توند و پۆختیان ئاڕاستەی سەڕانی بەغدا کرد کە دەبێت بە زووترین کات ئەم زۆڵم و تەحدایە کۆتایی پێبهێنڕێت چۆنکە بە هیچ شێوەیەک مایەی قەبۆڵکردن نییە و ڕایگەیاند جوتیارانی کورد لە کەرکوک بێ پشت و پەنا نین و گەر ئەو زۆڵم و تەحەدایە کۆتایی پێ نەهێنڕێت ئەوا کارەساتی نەخوازراو بەدوایدا دێن، سەرۆک بارزانی هەمیشە بە درێژایی تەمەنی خۆی هیچ کاتێک بێ دەنگ نەبووە لە ئاست ئەو بارەدۆخانەی کە هەوڵ دراوە کەڕامەتی کورد لە کەدار بکرێت، جا چ خەڵکی کەرکوکی دڵی کوردستان بێت، سەرۆک بارزانی خۆی دەزانێ کە خەڵکی کەرکوک چەندە ئازار و مەینەتی زۆریان بینووە لە دەست عێراقێکی شۆڤێنی و قەتیسکرا و کە هیچ کاتێک ئامادە نەبوون دان بە ماف و ئیمتیازاتەکانی کورد لە ناو عێراقێکی یەکگرتوودا بنێن، بەلکۆ هەمیشە بە شێوەی خۆسەپاندن و فەرزکردن هەوڵدراوە زۆڵم و تەحەدا لە کورد بکەن و لە کەرامەتی بدرێت، سەڕانی بەغدا هەر کە زانیان کە سەرۆک بارزانی و مسرور بارزانی بەو شێوە توندە ڕاگەیاند داوە و قسەیان کردووە ئیتر سەڕانی بەغدا بارەدۆخەکەیان هێور کردووە، بە ناچاری بریاری سزادان بۆ ئەو سەربازەی عێراق دەرکرد کە مڵپێچی جوتیارەکە ڕادەکێشێت، هەر چەندە دادگای فیدڕاڵی بە یاسا و بڕیار مۆڵکە زەوتکراوەکانی بۆ خاوەن ڕەسەنی خۆیان گەراندووتەوە، بەڵام دیارە یاسا و بڕیار لای عێراقێکی شۆڤێنی هیچ بەها و گرنگییەکی نییە، تەنیا ئەو کاتە نەبێت کە ئەو یاسا و بڕیارە لە بەرژەوەندی ئەواندا بێت، نەوەک لە بەرژەوەندی گشت پێکهاتەکانی ناو عێراق، ئەوەی زۆر لام سەیر و سەمەرەیە سەرۆکی یەکێتی هیچ هەڵوێست و ڕاگەیاندراوێکی بۆ ئەو ڕووداوەی دوێنێی سەرگەران نەبووە، پارێزگاری کەرکوکیش لە پشکی یەکێتی کە دەسەڵاتی یەکەمی شارە هیچ و هەڵوێست و ڕاگەیاندنێکی نەبوو، لە کاتێکدا خۆیان بە کورد دادەنێن و نەوزەند دەکەن، بەڵام دیارە ئەم بێ دەنگییەی ئەوان دەڕخەری ئەو ڕاستییەن کە ئەو ڕووداوانەی دوێنێ و ماوەکانی ڕابردووشی لەگەڵدا بێت بەرهەمی ئەو خیانەتەی یەکێتییە کە لە ١٦ی ئۆکتۆبەر دەڕحەق بە خاک و خەڵک کرا، ئێستاکەش لە سایەی خیانەتی ئەوان خەڵکی کەرکوک لە سەر زێدی ڕەسەنی خۆیان و حەقی خۆیان هێشتان هەر زۆڵم و تەحەدایان لێ دەکرێت و ئازار و ئەشکەنجە دەدرێن.
