مەلەڤانێ بارانی
پشتی ڕۆژەکا گران و پڕی وەستیان یا وەکوو هەمی ڕۆژێن دی بووراندی و ب
دەرەجکێن وی کاڤلێ سێ قاتی دا یێ کرێکاری ل سەر دکر چوویە خوار، دەنگێ تەلەفونا وی یا تۆزگرتی ژ وێ خەیالێ ئینادەر کا دێ چەوا ب بەرویکا ڤالا تێرا مال و زاروکان تشتان کریت.
د پاخل و بەریکێن چوخکێ تێر بەرویک و ڤالا گەریا و تلفون ژێ ئینادەر و دا بەر گوهێ خوە.
ـ ئەلوو…
ــ تۆ یێ چەوانی مام ؟
ـ سەرچاڤا مامو.. شوکر مە ئەڤڕۆ ژی بووراند.
ــ ئەرێ تە زانی یە ئەڤرۆ پارچێت ئەردی یێت بەلاڤکرین؟
ـ ئێ ڤێجا مامو! ما مە شولەپێ یە؟ ما داینە کێ؟!
ــ مانە تۆژی زیندانیێ سیاسی بووی؟ یێت داینە وان.
پشتی ئاخینکەکا کویر و تژی کەسەر و
کۆڤان، ب دلەکێ شکەستی و ب دەنگەکێ خەمۆکی بەرسڤا برازایێ خوە دا؛
نە مامۆگۆری ئەز کەڤنە جاش بووم!.
