زهێر کورەمارکى
من هەمى رێک ڤەوژارتن،
چ ئاستەنگ و بەربەست نەهێلان ؟
سینگێ خۆ من کرە ئاسمان،
روندکێن خۆ ژى کرنە باران
من دارێتە زەڤییێن چاڤەڕێبوونا تە
من ڤەژاندن و لێ شینکرن
چیمەن و گول گولزار بۆ هاتنا تەژى،
من مەحفیرەکا سۆڕ رائێخست،
هەمى رەخێن وێ من کرە گولاڤ و گول!
تۆ نەهاتى !
ئەز بوومە دێوەک و پیرھەڤییەک!
من دەست هاڤێژ تە رۆژێ و نەهێلا ئاڤا ببیت،
دا شەڤێن رەش و تارى
هەر دڤەڕەڤی بن و روناهى بیت
من هزر کرنە پەیڤ،
پەیڤ ژى کرنە ئاواز و ستران
ۆ گوڤەندا پێشوازیا تە سازکرن.
تۆ نەهاتى!
من بروندکێن خۆ بیابان ئاڤداو شین کر
هەمى کرە شینکاتی و رەزو بیستان
من لێ چاندن خۆزى و هیڤى
سینگێ خۆ ژى من کرە چەپەرو پاوان
دانەهێنە ناڤ،
لێ نە چەرن بیانى و کیڤى
تۆ نەهاتى ..!
جارەک دن …
من روندکێن خۆ کرنە رووبارو دەریا،
دا ڤێدا بێن قایک و مەرکەب و گەمى
لسەر کەنارێن وان
چاڤەرێى گەمیا عەشقا تە بووم،
ئەز و تۆ ل وڕ ب گەھینە ئێک،
خۆش ببن دیدارو ئەمبێز!
ئەو چاڤەرێبوونا دلاپەرێن ئەڤینا مەدا
شاپەرداین و بووینە خودان زەڤلەک و هێز،
حەزو هەستێن شاریای و رابووینە سەرخۆ
بۆ دیدارا تە بووینە رێز رێز!
تێر شاد ببن ب دیدارا گولاڤ ئامێز!
ەرێ گولاڤ ئامێز؟
