لەزگین گراڤی ــ زاخۆ ـــ
دناڤ جەرگێ وەلاتەکی
مەزن و . .
بێ خوەدان
هەمی ڕەشەک و دڕندەو هەلامەت
هەوول ددن
شەقام و کولانان
ژ ڕەنگێن ژیانێ بێ دەنگ و . .
بێ ڕەنگ بکن.
هەر لڤی وەلاتی
سنورەک . . توخیبەک . . ناڤبڕەک
داناینە ل دورێن شاهنازەکا
ب خەمل و کەزیڤە
زیباو . . ل بەژنێ تم زێڕو زیڤە
بێ دەنگ دنالت
ڕۆندکان دمالت
بگرییەکا ب دزیڤە.
ژمێژ وەرە من دڤیا . .
وی وەلاتی پێناس بکم
ژ خوەرێ گەلەری و . .
ژدیڕۆکەکا گەڤنارو قەشەنگ
لێ ئەڤڕۆ . . بەلێ ئەڤڕۆ
ئەز دبینم ژ هەمی
هزرو بیرەوەرییان . .
مەست و بێ زار دمینم
پەیڤان ب ڕامانڤە
بێ هش و بێ سەودا دبینم
هەر ئەڤڕۆ مرن و . .
بن بڕ کرن و قۆتکرنا
درەخت و سامانێن . .
ڤی وەلاتی
ب کلتورو گەلەریێ خوەڤە
ل مانشێت و سەردێران دخوینم.
لێ نزانم بۆچی . .
گوتنان . . ب ئەزمانڤە دبڕن
هەناسان . . ژ دلان ڕادگرن
ئاواتـان . . دکن یەساغ و مرن
ئەژی سەرێ خوە دئێشینم
د هەمی پاش نیڤ شەڤان دا
پەیامەکا بریندار دگەهینم.
