كــــــاڤلـــێ مـــە هێـــژ یێ بـــێ بـــانـــە

مسته‌فا عه‌بدورحمان ئه‌ره‌دنى

‎١/٦/٢٠٢١ سرسنك

كوڕێ من

‎دوهێ باپیرێ تە

خەندەك دكولان

‎بناغە دانان

ب تەفش و هیرە بەران

‎سەتك دكر

داپیرا تە

‎ب پارزینكی

‎ئاخا سپی ژ گلە سپیكا

‎دكێشا بەر دەستی و

‎هەڤیر دكر

‎ب تبلێن خەنا كری

‎دشێلا و

‎تەپك دكر

‎باپیرێ تە

‎بەر،بەر رێز دكر

‎جار, جار كیسكێ خۆ

‎ژبەر پشتا خۆ

‎دئینا دەرێ

‎جگارەك تێدكر

‎دگەل فڕا جگارێ سەرێ خۆ

‎بلند دكر

‎دل ب ترس بوو

‎ل هەمی رەخا

‎مێزە دكر

‎نەكو قەلەرەشك

‎ب سەردا بگرن

‎ جار  جار ژی

‎ل داپیرا تە

‎دنێری

‎خۆ تەحل وترش دكر

‎نە بۆ شەری خۆ

‎ئامادە دكر

‎بەلكو دلپێڤەیا

‎داپیرا تە

‎ئەشقێ دچاڤاندا دیاردكر

‎چەق چەقا خلخالێن لنگێن داپیرا تە

‎لەزاتی بەرزە دكر

‎گیانەوەرێن لسەر ڕێ

‎ژ ترسا خۆ ڤەدا و بەرزەدكر

‎دگەل بای دچوو

‎دگەل برۆیسیێ دهات

‎پارزین تژی دكر

‎كچ وكوڕێن گوندی

‎ژ زیرەكیا داپیرا تە

‎حێبەتی ببون

‎سەهم ژێ دكر

‎باپیرێ تە

‎وەكو ستۆنەكا  خورستی

‎زەندك هەلدای وبادای

‎بێ وەستیان كار دكر

‎دترسیا ژ ڕەشەبایێن پایزێ

‎كاروانیێن بێ وژدان

‎چونكە دزانی ب بسملایەكێ

‎سلاڤ نەخێرەكێ

‎ دێ دژ هەلدێرن هزار بانگ

ڕیسێ ڕێستی دێ كەنە جانگ

‎لەوما كار بلەز دكر

‎گەرا دیواری سەر دەر دكر

‎داپیراتە

‎ب هەر دوو دەستا

‎ستۆن بلند دكر

‎قەلە ڕەشكێن بیابانێ

‎كاروانیێن بێ وژدانێ

‎ل تاڤی گەوركێ دیار دكر

‎هێژ  باپیرێ تە

‎گازی نەكری داپیرا تە

‎دڕەشیا دوكێلێ وەركر

‎ خوین و سپیاتیا ئاخێ

‎تێكهەل كر

‎ ل لایەكی باپیرێ تە

‎لایێ دی داپیرا تە

‎ دەست تێكوەر كر

‎ باسكێ قەلین پێڤە

‎دگەل بازنێن زەر بلندكر

‎پارچە هیزارا

‎سور وزەر

‎پێڤەكر

‎سێ جارا هژیا وهژیا وهژیا

‎گیانی لەش ڤالاكر

‎هێژ كاڤلێ مە یێ بێ بانە

‎گەرا دیواری لسەر دەرانە

‎كوڕێ من

‎بابێ تە هات

‎باسك وقەلینێن باپیرێ تە

‎هیزار سۆرا داپیرا تە

‎راكر

‎ و لسەرێ گرێ پشتا گوندی

‎چوكلاند و بلند كر

‎ زڤری سەر كاڤلە خانی و

‎دەست بكار كر

‎تولاز وگەنجێن گوندی

‎لێ جەمابون و زوبارە كر

‎ئەو بایێ دباسك وقەلینا

‎باپیرێ تە

‎را دچوو

‎گوند پڕی ئاواز دكر

‎وەكو زێرەڤانەكی

‎سنگە پێ یە

‎بەرێ وی هەر ل كاڤلە خانی یە

‎بابێ تە

‎ ڕێز ل سەر ڕێزێ بلند دكر

‎هەر پشتا وی شكەستیە

‎ژ قەلەڕەشێن بیابانێ

‎كاروانیێن بێ وژدانێ

‎هێژ خوینا سۆرا

‎باپیر وداپیرا تە

‎ب ئاخە سپیكێ

‎یا ل مەیدانێ

‎ڕەنگێن دیوارێ

‎باپیرێ تە

‎وەكو باخچێن

‎كوردستانێ

‎پڕی گولن

‎پڕی

‎ڕەنگن

‎ژێ دهێت بێهنا ژیانێ

‎تاڤە گەوركا درەنگ

‎ دیار بون قەلەرشكێن

‎بێ دەنگ

‎ل كاڤلی كرە حنگە دەنگ

‎قیژیێن زوبارا

‎بابێ تە

‎قەلینا باپیرێ تە

‎كرە دوو قەد

‎هیزارا داپیرا تە

‎ژێ فری

‎لسەر لاشێ بابێ تە

‎بو ئالا بۆ تە بۆ كەد

‎هێژ كاڤلێ مە یێ بێ بانە

‎نزانم دێ شێی بانكەی و

‎وی كاڤلی  تمام كەی

‎كەدا باب وباپیران

‎نوان كەی

‎یان دێ قەلین هەر ل فیتیا

‎دەت وتو ژی

‎دێ باركەی