مەهدی گلی ٣٠-١-٢٠٢٥
ڤیان و دلسوزیا تە هونەرە
نازڪیا ڤیانا تە بۆ من یا فەرە
گوتن و بەرێخودان و جوانیا چاڤێن
تە هەسرەتێن من و ئارامیا تە
دگەهنە ئێڪ و ~
هەمیان ڪوم دڪەن ل دەف تە ~
ڪەوا بهێنخوش
وەڪو ڪچا~ ڪافرۆش
تە ئەز هێلایمە مەندەهوش
جانا من ڪەوێ
ناڤێ تەیێ پاك ئەز یێ جادوو ڪریم
جوانیا تە و سوز و پەیمانێن تە
ئەزێ حێبەتی ڪریم
ئەز ل دلسوزی و مهرەبانا دلەڪی دگەریێم
هەر دوو چاڤێن تە
لێڤ تەنڪێن تە جوانیا تە
ئەز یێ مەندەهوش ومەست
و سەرگەردان ڪریم
هەسرەتێن تە دژوارن
ئەشق ژێ دبارن
ل من نە دگوهدارن
لەو چاڤ و زمان لمن دهارن
ئەز باش دزانم
دلەڪێ وەڪو یێ من تو نابینی
دهەستێن تەیێن نازڪ بگەهیت
وەڪو تاڤە هەیڤێ
ل بەر سینگێ تە بهەلیت
بۆ چرڪەیەڪێ ژی نەبێژە
تو باش دزانی ڪارێ من نە راوێژە
خوشتڤیا من
دلێ تە وەڪو گوهارێن زێرینە
ب شەڤ ب ئومێد وهیڤینە
ب هیڤیا دزیندینە
چەند هیڤی بهێن سالوخەت ڪرن
گەر ڤەدیتنا هەستێن من تێدا نەبیت
بوچیە ژیان بلا نەبیت
خوشتڤیا من
هەسرەتێن من بۆ چرڪەیەڪێ دەردڪەڤن
و ب شەڤ ل ناڤێ تە دگەرن
ڪولان ڪولان باخچە باخچە
ل شوین پێن تە هەناسەیا تە
دگەرن و هەر دزڤرن
باخچەیە و پیتێن گولا
ب ئاوازێن بولبلا
دلێن ژ ئەڤینێ ماینە ڤالا
پڕ دڪەن لێ دچینن ئالا
خوشی ژێ دفرن
نازڪیێ دهنێرن
ڪەوێ
هەسرەتێن من یێن فڕین
هەر ژ وێ رۆژا تو ژ دەستێ من فڕی
وەڪو ڪەڤوڪا ل سەر ئەوران
ب گەرما ئەشقێ ڪوزری
ب تنێ هیڤیا من ئەوە
جارەڪ دی ل ڤی جانی ڤەگەری
هینگێ دێ بییە فریشتەیا ڤیانێ
ئەز ژی وەڪو دەروێشەڪێ شڪەستی
دێ بەم ڪرنوشا ژیانێ
