نڤیسین: سیلاڤ بازێرکی
پەرتووکا سمۆیێ باپیر هاتیە نڤیسین ژ لایێ ماموستا“عبدالرحمان بامەرنی”ڤە پەرتوك ژ ١٤٤ لاپەران پێکدهێت ب درێژاهیا ڕومانێ ناڤێ سمۆیێ باپیر دهێتە گوتن،سمۆ کارەکتەرێ سەرەکیێ رۆمانێ یە وەك قارەمانەکێ بێ وێنە دهێتە دیتن پشتی ئەوێ کومکوژییا دڕندە یا دگەل کەسوکارێن ویێن خەلکێ گوندێ باسا دا هاتیە کرن ژبەر کۆ عوسمانیان بریارا قرکرنا ئەرمەنان دا بۆ خەلکێ گوندێ باسا ژی دەرگەهێ مالێن خوە ژبۆ ئەرمەنیێن ئەوێ دەڤەرێ ڤەکر بۆ،ژبەر هندێ عوسمانیان ب شێوەیەکێ دڕندانە هێرشی گوندێ باسا کرن و ئێدی خوە گیانەوەرێن دگەل ئەرمەنان ژی ژ ئەڤێ هێرشێ رزگار نەبۆن،لەوما ئێزدیێن گوندێ باسا بڕیار دا پەنایێ ببەنە بەر مەرگەهێ شێخان لێ ئەڤا کۆ بویە کارەساتا ئێزدیێن گوندێ باسا د ڕێیا وان دا ڕوی دابۆ دەمێ کۆ نێزیکی (گوندێ فندکێ) بوین ئێکسەر خوە دیتن یێن نێزیکی قەرەقولێ،ژاندرمە هاتنە هنداڤ سەرێ وان و قوماندارێ قەرەقولێ ب فێل چەکێ وان ژێ ستاندن،دیڤدا هێرشی وان کر کوومکوژی بەرامبەر وان هاتە کرن هندەك ژوان خودا لایێ چیای و کومەك ژ کچ و ژنان ژی ژبۆ پاراستنا ڕومەتا خوە،خوە بەردا د ناڤ ئاڤێدا،هندەك ژی بۆنە ئيخسیر و دیل ددەستێ ژاندرمەیان دا سمۆیێ باپیر ژی ئێك بۆ ژ قورتالبویێن ئەڤێ کۆمکوژیێ، سمۆ قوڕتالبۆیەکێ قوربانی ب ژیێ خودای ژبۆ دیتنا کەسوکارێن خوە بتنێ ژ کەسوکارێن ویێن نێزییك ١٦ کەس ببونە قوربانی،لەوما پشتی ڕاوەستیانا شەرێ جیهانیێ ئێکێ ل سالا ١٩١٨ سمۆ بڕیارێ ددەت ل کچ و ژنێن ئێزدی بگەریت ئەوێن د وێ کۆمکوژیێ دا هاتینە رەڤاندن سمۆیێ باپیر د لێگەریانێن خوە دا ل کچ و ژنێن ئێزدی ب بەهانەیا چونا ناڤ گوند و مالا چەندین کارا دکەت وەکی(عەتارئ_شڤانی_خوە دیارکرن وەکی فقی یان دەروێشان) ب هەر حال سمۆ ژیێ خوە ددانیتە سەر لێگەریانا ڕەڤاندیان، د لێگەریانێن سمۆی دا نڤیسەری ئاماژە ب چەندین بابەتێن جوراو جور کریە وەکی (ناکۆکیێن دناڤ عەشیرەتێن کوردان دا و سیاسەتا مەلایێن کەڤن و زانستێ پەرێ سور و زوردارییا ل کچا کورد هاتیە کرن و دیارکرنا دەڤەرێن گرنگێن جوگرافی و بیروباوەرێن شاشێن دناڤ جڤاکی دا بەلاڤ) ب هەر حال سمۆ بەردەوام گوند ب گوند دەڤەر ب دەڤەر ل رەڤاندیان د گەریت لێ د ڤەدیتنێن خوە ژی دا زورداریێ ل چ کچ و ژنان ناکەت ژبۆ ڤەگەریانێ ژبەرکۆ گوندێ وان هاتیە کاڤل کرن و کەسوکارێن وان مرینە و پتریا وان ژی ببونە خودان زاروك و هەڤژین ئێدی بڕیارا ڤەگەرێ ژبۆ وان یا بزەحمەت بۆ سمۆیێ قارەمان ل سالا ١٩٢٩ دکەڤیتە بیسەکا ژاندرمەیێن تورکان دا گیانێ خوە ژ دەست ددەت
