سۆما جەبار
لە کاتێکدا کە وڵاتی کەنەدا بەردەوامە لە بوون بە شوێنێکی سەرەکی بۆ خوێندکارانی نێودەوڵەتی، تێگەیشتن لە دەرفەتەکانی خوێندن، بەتایبەتی سەبارەت بە مۆڵەتی کارکردن و پێداویستییەکانی ڤیزە، زۆر گرنگە بۆ ئەوانەی پلانیان هەیە لە ساڵی ٢٠٢٥ لە کەنەدا بخوێنن. لێرەدا ئەوەی کە پێویستە خوێندکاران بزانن دەربارەی پرۆگرامە شایستەکان بۆ مۆڵەتی کاری دوای دەرچوون (PGWP)، چۆن ئاستە جیاوازەکانی خوێندن کاریگەرییان لەسەرە بەهۆی گۆڕانکارییەکانی ئەم دواییە، و نوێترین نوێکارییەکانی کۆچبەری، پەنابەران، و ڕەگەزنامەی کەنەدا (IRCC) سەبارەت بە ڤیزەی خوێندکاران.
ئەو پڕۆگرامانەی مۆڵەتی مانەوەی دوای خوێندنیان هەیە PGWP
مۆڵەتی کارکردنی دوای دەرچوون ڕێگە بەو خوێندکارانە دەدات کە پرۆگرامێکیان تەواو کردووە کە ماوەکەی لە شەش مانگ زیاترە لە یەکێک لە کۆلێژ یان زانکۆ باوەڕ پێکراوەکانی کەنەدا. قوتابی دوای تەواو بوونی خوێندنەکەی دەبێت کارێک بدۆزێتەوە بۆ ئەوەی بتوانێت لە داهاتوو داوای نیشتەجێی هەمیشەیی بکات. لە ساڵی ٢٠٢٥ ئەو پرۆگرامانەی مۆڵەتی مانەوە دەدەن بە قوتابی بریتین لە :
خوێندنی بەکەلۆریۆس، ماستەر و دکتۆرا
خوێندنی ئاستەکانی بەکەلۆریۆس ، ماستەر و دکتۆرا بە شێوەیەکی گشتی بەر ئەو گۆڕانکارییە گەورانە نەکەوتوون کە حکومەتی کەنەدا لە ساڵی ٢٠٢٤ بڵاوی کردوونەتەوە.
خوێندنی دیبلۆمی باڵا
خوێندنی دیبلۆمی باڵا کە ماوەکەی لە هەشت مانگ بۆ ساڵێک زیاترە بۆ هەندێک بەشی دیاری کراو مۆڵەتی کارکردنی دوای خوێندنیان لەگەڵە.
بۆ خوێندنی دیبلۆمای ٢ ساڵی، تەنها ئەو بەشانە مۆڵەتی کار کردنیان هەیە کە حکومەتی دیاری کردوون لە ژێر چەند مەرجێکی سنووردار. پێویستە قوتابیان دڵنیا بن لەوەی کە کۆلێژەکەیان لە .لیستی دامەزراوە دانپێدراوەکانی حکومەتی کەنەدایە ، جگە لەوەش پرۆگرامەکەی هەڵیان بژاردووە شایستەیی مۆڵەتی کار کردنی لەگەڵە. هەموو ئەم زانیاریانە لە سایتی فەرمی حکومەتی کەنەدا بڵاو دەکرێنەوە. سیاسەتی حکومەت بۆ وەرگرتنی قوتابیان بە بەردەوامی لە نوێ کردنەوەو گۆڕان دایە بۆیە گرنگە هەردەم سەردانی ماڵپەری فەرمی حکومەت بکەن.
نوێترین نوێکاری لە IRCC بۆ ڤیزەی خوێندکاران
یەکەم : IRCC پرۆسەی پێشکەشکردنی داواکاری ئۆنلاینی بەرزکردووەتەوە، ئەمەش وایکردووە کە خوێندکاران خێراتر و ئاسانتر پێشکەشکردنی داواکارییەکانیان بکەن.
دووەم: IRCC دەستیکردووە بە پێشکەشکردنی ڕوونکردنەوەی وردتر بۆ داواکاران کاتێک ڤیزە ڕەتدەکرێتەوە، یارمەتی خوێندکاران دەدات لە بڕیارەکە تێبگەن و ئەگەری هەیە چارەسەری کێشەکان بکەن لە داواکارییەکانی داهاتوودا.
سێیەم: گرنگییەکی زیاتر بە دڵنیابوون لە پابەندبوونی خوێندکاران بە مەرجەکانی ڤیزاکانیان دەدرێت، بەتایبەتی سەبارەت بە پێشکەوتنی ئەکادیمی و ناونوسینی چالاک.
چۆن بزانین کام بەشی خوێندن مۆڵەتی کارکردنی دوای خوێندنی لەگەڵە؟
پێش بڕیاردان لەسەر هەڵبژاردنی پرۆگرامێکی خوێندن لە وڵاتی کەنەدا، گرنگە سەرەتا بزانین کام کۆلێژ و کام بەشە مۆڵەتمان پێ دەدات دوای خوێندن لە کەنەدا بمێنینەوە. دەتوانیت ڕەچاوی ئەم خاڵانەی خوارەوە بکەیت بۆ دۆزینەوەی گونجاوترین کۆلێژ
١. سەردانی سایتی فەرمی کۆلێژەکە بکە
لە بەشی International Students کە تایبەتە بە زانیاری گرنگ بۆ قوتابیانی بیانی، دەتوانیت سەیری ئەو پرۆگرامانە بکەیت
زۆربەی کۆلێژەکان ئەو پرۆگرامانەیان جیا کردۆتەوە کە مۆڵەتی کارکردنی دوای خوێندنیان لەگەڵە
Elegible PGWP Programs ئەو پرۆگرامانە دەگرێتەوە کە مۆڵەتی کارکردنی دوای خوێندن دەدەن بە قوتابی بیانی
Non- elegible PGWP programs ئەو پرۆگرامانە دەگرێتەوە مۆڵەتی کارکردنی دوای خوێندنیان نیە و قوتابی دەبێت وڵاتی کەنەدا بە جێبێلیت دوای تەواو بوونی خوێندن
سایتی فەرمی کۆمیونیتی کۆلێژ لە هەرێمی نۆڤا سکۆشیا
https://www.nscc.ca/default.aspx
هەندێک لەو پرۆگرامانەی مۆڵەتی کار کردنی دوای خوێندنیان لەگەڵە لە کۆمیونیتی کۆلێژی نۆڤا سکۆشیا کە دەکەوێتە شاری هالیفاکس لە هەرێمی نوڤا سکۆشیا. قوتابی دەتوانێت داواکاری پێشکەش بکات و لەم بەشانە بخوێنێت بە بێ دوو دڵی
٢. پەیوەندی بە کۆلێژەکەوە بکە بۆ دڵنیا بوونەوە لە یاساکانی تایبەت بە قوتابیانی بیانی
ێشکەش کردنی خوێندن لەو بەشەی دەتەوێت ، پەیوەندی بە کۆلێژەکەوە بکە بۆ دڵنیابوون لە داواکارییەکانی وەرگرتن وەک تاقیکردنەوەی زمانی ئینگلیزی ، بڕوانامەی پۆلی شەشی ئامادەیی یان زانکۆ، کەمترین نمرەی پێویست بۆ ئەو بەشەی دەتەوێت لێی بخوێنیت. زۆربەی ئەو قوتابیانەی کۆرسی زمانی خوێندن لە کۆلێژەکانی کەنەدا وەردەگرن پێش دەستپێکی خوێندنیان ، ناتوانن لە کاتی خوێندن کۆرسی زمان کار بکەن چونکە ئەو مۆڵەتەی وەری دەگرن تەنها بۆ ئەو کاتەیە کە بەشەکەیان دەخوێنن نەک لە کاتی کۆرسی زمان.
٣. مەرج نیە تەنها ئەو بەشانە بخوێنیت کە پەیوەندیان بە ئەزموونی خۆتەوە هەیە
گۆڕانکارییەکانی حکومەتی کەنەدا بۆ وەرگرتنی قوتابیان ئەو بژاردە ئاسانانەی نەهێشتووە کە تیایدا قوتابی بتوانێت ئەو بەشانە هەڵبژێرێت کە پێشتر خوێندووەتی یانیش ئەزموونی کاری تیایاندا هەیە. لە ئێستادا بژاردەکان سنووردارن و قوتابی تەنها دەتوانێت بەشێک بخوێنێت کە حکومەتی کەنەدا ڕێگای پێداوە و هەلی کاری دەست دەکەوێت دوای خوێندن.
