ئارام دهۆکی
وەسان پێ دچیت کاودانێت دەڤەرێ و نەمازە کەتنا رژێما ئەسەدی ل سوریێ ئەو یەک ئینا بیاڤێ کو دڤێت هەموو پێکهات دیدارا بکەن کا چەوان سوریا بێت لدەڤەرێ بێت پێکهاتن. یان ژی بەری پێنگاڤێن بەرهنگاربوونا رکابەرێن دژی هەڤە دەست پێبکە ئەو دیدار بێن کرن دا کو لهەڤتێگەهەک هەبە بهەر بریارەکێ بە. وەکو قسد هێزەک هەرە سەرەکی ل دەڤەرێ بتایبەت هەڤالبەندا ئێکێ یا ئەمریکا ژ بو شکاندنا داعشێ هەدیسا پارتی ژ ئالیێ دن د وێ چارچوڤێدا هەڤسەنگیێ پەیدا د کە لدەڤەرێ و جهێ رازیبوونا ئەمریکا و گەلەل وەلاتێن دن ل جیهانێ وەکریە کو ئەڤ دیدارە وەرە سازکرن کو چەوان هەڤکاربن و بەرژەوەندیێن د رەهمن و هەڤپشک شروڤە بکەن و بگەهن ئەنجامەک نیمچە مەقبوول ژ هەموو ئالیێن پەیوەندیدار ل سوریێ. خالێن هەرە هەڤپشک ببووچوونا مە ئەڤن.
– هەردوو ژ گەلێ کوردن ک چارەنووسیا وان بهوڤرە گرێدایە و د کارن لدیف پێشنهاتێت دەڤەرێ و ئەزموونا خو سوود بەخش بن.
– ئەڤ هەردوو پارچێن کوردستانێ د بن دوو وەلاتێت عەرەبیڤەنە کو عێراق و سوریا نە، کێم زێدە هەڤال و دوژمن مینا هەڤن.
– هەردوو پارتێن کوردی رولەک ئێجگار باش و پێشەنگ هەبوو د ناڤبرنا هێزا تێرورا داعشان دا.
– پەیوەندەی خورت هەردوو ئالیا هەنە د گەل هێزێن نێڤ نەتەویا جیهانی نە مازە د گەل ئەمریکا.
– تەنێ پارچە ناوچەنە کو وەلاتێت دیموکراتساز دکارن هیڤیا لسەر ئاڤاکەن بۆ بەرفرهکرنا وێ سیستەمێ.
– بەریا نووکە د گەل هەڤ هەڤپەیمانیا هەڤکاریان هەبوویە نە مازە دشەرێ کوبانێدا.
– دەڤەرێن هەردوو ئالیان لبن تەماعا تورکانە کو بویلایەتا حەلەب و موسل د نیاسە.
– چارەنووس مژومرانە بۆ هەدوو ئالیا گەر دەستەلاتەک بهێزا ئاگر و ئاسنا بێت سەر حکووم چ ل عێراقێ یان ل سوریێ.
ئەڤ خالێن لسەری هاتین زمان و چەندێن دن د گەهن هەڤ و پێتڤیا هەردوو ئالیان بیەک هەیە کو ئەو ژی تێت هژمارا داخازا هەموو کوردان ل هەموو پارچان، ژ بەر کو هێزێن کوردان ل جیاتی هەڤبگرن و ل گەل هەڤ رینن بەردەوام ژ ئێک کیڤی بووینە و دوژمنێ وان سوود ژ دوو بەەکیا وان وەرگرتیە و ئەو زەرەرمەند بینە لەوان گەر لسەر خسلێن ئەرێنی و پوزەتیڤ کارکەن گەلەک پترن ژ یێن هەڤ جودا.
