Seyfulla Muhammed
Rêvîng
bûm rêvîngê tev welatan
li rojava u rojhelat
welatê ji teva xweştir
qet hedara min lê nehat
raste di bên şam şekire
lê her şirîntire welat
* * *
ger dûr ketî j’cih u wara
şînwarên lê mezin bûyî
dê her bêrya warê xwe kî
peşêman bûy tu jê çûyî
neşêyî xwe l’ber bi girî
hemî dema xema b’xoyî
* * *
neşêy j’bîr kî bîrhatina
di gel yara te soz bo day
ya te hinde hejê kirî
ji roha xwe pitir viyay
ma ne heyfe ev çend sale
çaverê li hîvya te may
….. 2/2/2020 zaxo …..
