دۆنالد ترەمپ بۆ جارا دوویێیە بهێتە هەلبژراتن بۆ بوون ب سەرۆکێ ئەمریکا، ئەڤەد دەمەکیدایە کو ئەوی باوەر نەدکر کو ئەوێ جارەکێ ببیتی لێ کاودانێن سیاسەت دیروکا ئەمریکا و باوەریا هاولاتیێن وان و دەستێوەردانێت دەرڤە هەمی د بەرژوەندیا دۆنالدیتدا هات ئێک لاکرن و پشتی چەند رۆژێن دی ئەڤ سەرۆکە وێ کورسیا کوچکا سپی یا ئەمریکا وەرگریت. هەلبەت وەکو هەر کەس چاڤەرێ دکە کو ئەڤ کەسێ بلیونێر وێ گهورینا ل دونیایا ئەڤرو بکە! ئەڤجا بۆ کێ باش و بۆ کێ خراب ئەو سوحبەتەک دنە لێ پشتراستم کو جیهان وێ بکەڤە د قوناغێن گەلە مەترسیدار دا.
هەلبەت هێژی کو ترمپ نە هاتی سەر کورسیێ وەسان خۆیا بوو کو گهورینا دەست پێکر مینا ژ ناڤچوونا رژێما سوریێ بسەروکاتیا بەشآر ئەسەدی کو گەلێ وی ئەو بوو ماوەیێ ١٤ سالان بوو هەولا ژ ناڤبرنا رژێما وی دکر. وەکو تێت زانین د بیت سەفقێن نیڤ نەتەوی دەست پێکر بن ل پشت کەوالیسێن ڤە بۆ بدیماهیک ئانینا هنەک شەران و لێکڤەکرنا خاک و ئەردێ گەل و ولاتان بۆ چەرخێ ٢١ ێ. دوور نە بینە گەر ل ماوەیەکێ کایم شەرێ چ رێ نە چنێ یێ ئوکرانیا و روسی وەرە راوەستاندن. یان خۆرت بوونا ئسرائیلی ل رۆژهەلاتا ناڤین بۆ گهورینا نەخشەیێ هەی و مەزنکرنا ولاتێ جهویان کو بۆ ماوەێن دیروکیە چاڤەریێ دەلیڤەکا وەکو ئەڤرو دکەن. هەلبەت تێنیا ئەمریکا نووکە بسەرۆکاتیا دۆنالدی بڤان ناشکێت لەوان ئنیەتە ئەمریکا ئامادە بکە بۆ چەرخێ ٢١ ێ ژی کو ئەو ولات سەکردایەکا تاک رەو بکە ئەوژی ب بەرفرەهکرنا ولاتێ ئەمریکا ژ لایێ زەڤی و دانیشتوان و ئیمکانیاتێت چەکی و تکنولوژی ئەو ژی بسەر ڤەبرنا کەنەدا بۆ سەر ئاخا ولاتێ خۆ یان ژی کرینا گرین لاند. مەرەم ژ ڤێ پێنگاڤێ ئەوە کو رێکا پێشڤەچوونا چاینا ل دونیا ئەڤرۆ نە مازە کو ئەمریکا ئاگادارە ژ هەولین وی وەلاتی کو وەکو کورەماری کاری دکە بۆ دیتنا رۆلێ خۆ ل دنیایێ نەمازە ل ولاتێن نیمچە پێگەهشتی ل ئاسیا خارێ و ئەفریقیا و هەتا ئەورپا. هەلبەتە ئەڤ بابەت و لێکولینە درێژن لێ لد یف پێنگاڤێن ئەمریکا و ئانینا وان بۆ زمان هەموو بەلگە وەسان دیاردکەن کو ئەمریکا یا بەرهەڤ بۆ هاڤێتنا پێنگاڤێن بڤە لسەر ئاستێ دونیایێ، ژ بەر کو گەر وە نەکەت دبیت ببە درەنگ بۆ سەروکەک دن و ئەو شیان نەبن نەمازە کو ترۆمپ ژ لایێ پارتا کوماریڤە هاتیە پەسەندکرن و ئەو پارت ژی ڤان جورە پێنگاڤا بوێرەکانە دهاڤێژە گەر جدا بکەی دگەل یێن پارتا دیموکرات کو بەردەوام پێشڤەچوونا وان دئالیێ دیپلوماسیدایە نە شەری.
نهێنیێن دۆنالد تڕەمپی ئێدی نەماینە نهێنی جامێری بوێرەکی ژ خۆ پشتراست هەموو گووتنێت دڤێن یێت ئینیت زمان و هەتا رادەکی یێ کار بۆ دکەت، گەر دوهی بترانەڤە دگووت ئەزێ جەستن ترۆدی کەمە والیێ ٥١ یێ ئەمریکا ئەڤرۆکە ئالیێ ئەمریکا بسەر نەخشێ کەنەدا دا ئانیە خار و نووکە ئەڤ بابەت گەلەک بترسە بۆ گەلێ کەنەدی، دیساڤە کورێ خۆ فرێکریە گرینلاند بۆ دانا ئوفەرەکی بۆ خاکێ بەرفرە، ئێدی وەکو خۆیا دکە یا بڤێت و بشێت ئەنجامدەت وێ بکە لڤان ٤ سالێن بێت، ئەڤجا هەلەی بابێ خۆ، خۆ بۆ گهورینێت نە چاڤەرێکری ئامادە بکە.
