سالح حکیم
پشتی شاندێن ئەورۆپا سەرەدانا سوریا کری ڕەنگە گەلەک پێشهات و گورانکاری بهێنەکرن لەو ئەو شاندە دخوازن ژنێزیک هایداری پرۆژێ جولانی و حکومەتا بەروەختا سووریایێ ببن ئەڤجار لدیف رەفتارا دانۆستاندنا وان شاندێن رۆژانە سەردانا سوریایێ دکەن دمینیت ڕەنگە ژی جهێ رازەمەندیا وان نەبیت دبیت ژی ئەورۆپا بگشتی و ئەمریکا ب تایبەتی پشتەڤانیا حکومەتا سوریایا بەروەخت نەکەت هەکە لگۆر سیاسەتا ستراتیجیا وان نەگونجیت یان ئەو شاندێن ناڤبری هەکە دگەل پرۆژێ ئەمریکا و ئەوروپا نەهێنە ئاشێ هویر لەو دبیت ئەو حکومەت هەر زوو بهێتە هەلوەشاندن پرۆژێن وێ یێن سیاسی سەرنەگریت دیسا شەرۆ ئالۆزی لدەڤەرێ رووبدەن یان هەکە بەرۆڤاژی جولانی دگەل شاندێن ئەورۆپا بگونجیت ب دانوستاندیێن خوەدا یێ ئەرێنی بیت هەماندەم دا مافێن پێکهاتەیێن سورییێ بهێنە گرنتیکرن ژ لایێ شەرعیڤە کو د بەرژەوەندییا حکومەتا سوریایێ دابیت لگۆر پرۆژێن ئەمریکا و ئەوروپا بیت بۆ سوریا نوی چونکی ئەو وەسا دخوازن دەولەتەکا دیمۆکراتیخواز ل وی وەلاتی پەیداببیت دا بشێت بۆ پاشەرۆژا سوریایێ بەرەڤ باشتربوونێڤە ببەن پێنەڤێت ئەمریکا دخوازیت هندەک دەرگەهێت ستراتیجی و سیاسی بهێنە ڤەکرن نە بەس بۆ سوریایێ بەلکۆ ل رۆژهەلاتا ناڤین هەمیێ مەرەم ژێ بۆ پێشڤەبرنا وان وەلاتانە ئەڤێن چیڤێ دارێ زۆریێ ل سەرهلدای لەو فەرە جولانی پەیوەندیێن خوە دگەل هەڤسنۆرێن خوە خوەشکەت ئێمناهیا وەلاتی بپارێزیت دڤێت مافێ چو نەتەوایێن جودا نەهێنە بنپێکرن دا بکاریت گوزەرانیەکا باشتر بۆ گشت وەلاتیێن وەلاتێ خوە پەیدابکەت تایبەتی ژ ئالیێ هەڤسنۆر و هەڤپەیمانیێن خوەڤە چو دەستتێوەردان نەهێنە ئەنجامدان ژ لایێ وێ بزاڤێڤە دا بشێت وەلاتەکێ نمونە سەر پرەنسیپێن لێکتێگەهشتێ بنە بنگەھ و پێگەهێ هەمی ئالیێن سیاسی ل وەلاتێ سوریایێ لێ وەکو دیار جولانی هەڤپەیمانە دگەل ئەردۆگانی ئەرێ ئەڤا ئەو دخوازن دێ چ ل دەڤەرێ ب تایبەتی هەماندەم دا وەلاتێن جیران بگشتی روودەت وەکو نمۆنە ترکیا پرۆژێ خوەیێ ئاشتێ یێ بەرپاکری بۆ سەقامگێریا ترکیا ئەڤ گاڤێن نو دانە بەر لێ ئەو تەپا ترکیا بۆ ئاشتیێ هاڤێتی د ساحێ دا پرس ئەوە دێ هەدەڤێ ئینیت؟ یان بەرۆڤاژی بتنێ بۆ بەرژەوەندیا نڤشێ ئوسمانیا کاردکەن هەکە ترکیا ب کریار پێڤاژۆیا ئاشتیێ نەکەت یان دانپێدانێ ب مافێ کوردا نەکەت رەنگە توشی لێدان و قەیرانێن مەزن ببیت لەو تورکیا ئەڤرۆ ژ هەر وەختەکی پتر پێدڤی پرۆسسا ئاشتیێ یە دا بکاریت خوە دگەل گۆرانکاریێن نها ب گۆنجینیت نەکەڤیت بن کۆتنرۆلا شاشیێن خوە لەو ترکیا نەچارە دانپێدانێ ب مافێن کوردا بکەت چونکی ئەورۆپا و ئەمریکا ب هەڤرا سیاسەتەکا ستراتیجی یا نوی بۆ دەڤەر و وەلاتێن رۆژهەلاتا ناڤین هەیە.
