زوھێر کورەمارکی
ئەڤە ژن ھەی و پەیدا بوی ل سەر روویێ ئەردی ئارمانجا وێ یا سەرەکی جوانی و نازکی بوویە، ھەردەم یا ل جوانیێ گەریای و بزاڤێن کرین خۆ بۆ یێ و یا بەرامبەر جوان و کەشخە،بكەت و دەرکەڤیت ،حەتا گەلەک جارا ئەڤ جوانییە لسەر حسابا تەندورستیا وێ ژی بوویە، ھەر ژ کەڤندا جوانی پتر گرێدای رەگەزێ مێ بوویە و ھەمیگاڤا وێ حەز کریە وحەز ھەبوویە جوان دەرکەڤیت و خەلک پەسنا جوانیا وێ بکەن،دبیت ئەڤە ژی ژ خۆڕایی نەھابیت ،چونکی دبیت لایەنێ بەرامبەر ئانکو نێر ،ھەرتم ل جوانیێ گەریا بیت و جوانی کربیتە مەرجەکێ پێکئینا ھەڤژینیێ.ھەروسا ژبەر ئێک و دوو ژی خۆ جوان دکەن ئیرەییێ ب ئێک و دوو دبەن،ژنا ھەردەم بزاڤێن کرین ل ئالاڤێن جوانیێ بگەرن و پەیدا بکەن و بکاربینن، بەرێ ئێک ژ ئالاڤێن جوانیێ خزێم بوو ،ژنا ھەردەم بکار دئینان بۆ جوانیێ ،خزێم ژ زێری و زیڤی و ھندەک جارا قۆرنفلا بکار دھات و ژنکا دکرنە دفێن خۆ پشتی کتەکا دفنێ دھاتە سمتن و خزێم دکرێ ،خێزانێن دەولەمەند یێن زێری دکرنێ یێن پیچەک دەولەمەند،یێن زیڤی دکرنێ و یێن ھەژار ژی قۆرنفل دکرنێ،پتر قۆرنفل بۆ بھێن خوشیێ دکرە دفنا خۆ ژبلی جوانیا خزێما زێری بۆ ھندەک تشێن دی ژی دھاتە بکارئینان،گەلەک جارا ژنکێن ب حەملە بکاردئینان ژبەر چاڤا و ھەروەسا ژبەر پنیا ئانکو (راڤێن ژنکا )ئانکو سەروچاڤێن وێ دبوونە پنی ژ بەر حەملێ (ئانکو دووگیانیێ ).خزێم ئالاڤەکێ بازنەیی یە ئانکو (خڕە)ژ مادەنی و خۆزایی دھاتە چێکرن مینا زێرو زیڤ و قۆرنفلێ،خزمێن ب رویشی ژی ھەبوون،دھاتە چێکرن ،ژنکا دکرنە دفنا خۆ بۆ جوانیێ دبیت ھینگێ مۆدێل بیت،یێ پێ چێببیت خزمێ بکار بینیت و خۆ جوان و رندو کەشخە بکەت ،حەتا بەری چەندین سالا ژی ھەر ژن ھەبوون خزێم دکرنە دفنا خۆ ،من بخۆ ژی ژنێن بخزێم یێن دیتین ،دبیت تا نوکە ژی مابن بەس پتر دێ ل کوردستانا باکوور ھەبن،نوکە ژی ھەنە و د کەنێ، بەرێ ل گوندێ مە ژی ھەبوون و دکرنێ چێدبیت نوکە ژی مابن لێ گەلەک دکێمن .ئەم ھوسا ھزر دکەین خزێم گرێدای کوردا بیت و لدەف وان سەرھلدابیت و ئەو خودانێن وێ بن چونکی ناڤێ وێ کوردیە گەلێ عەرەب ژی دبێژیتێ (خزامە)ئانکو ژ کوردیێ یا وەرگرتی و وان بکار ئینایە .ئەم دبێژین کورد لاندکا شارستانیەتا بوویە لەوانێ ڤان تشتا ھەمیا لنک وان سەرھلدایە و ل جیھانێ بەلاڤبوویە خەلکی ژێ وەرگرتیە و گەلەک تشتێن وان کرینە ملک خۆ ژ بێ خودانی، دسترانێن فلۆکلوریێن کوردیدا گەلەک بەحسێ خزێمێ ھاتیە کرن و ستران پێ ھاتینە گوتن، مینا خزێم خزێمە وللا خزێمە، ھەروسا ھەلبەستڤانا ژی،تەخسیری نەکریە گەلەک ب جوانی د شعرێن خۆد بکار ئیناینە ،بۆ نموونە سترانبێژئ رەحەمەتی تەحسین تەھای سترانەکا ھەی نزانم ژ پەیڤێن کێنە، دبێژیت :
من دبرجێ ڕا بەرلێ بوو یا لاندکێ لڤادکەت
خزێمەکا ددفنێ بو ئاکرێ و ئامێدیێ رادکەت
