پینگاڤ-کەنەدا
جەستن ترۆدۆ کو پتر ژی ٧ سالانە سەرۆکێ پارتا هەرە مەزنا کەنەدی (لیبرال) و سەرۆك وەزیرێ کەنەدا، ئەڤرۆ سپێدی راگەهاند کو ئێدی ئەو وەکو مان سەرۆکێ پارتیا خۆ نامینە و دەس ژێ بەردان ئەڤە ل دەمەکی کو ئەڤە بۆ ماوەیێ پتر ژ سالەکێیە کەتیە بن رەخنا پارتا بەرهنگار کو کونسێرڤەتڤە و یا جڤاکێ کەنەدی ژ بەریکیڤە و هەتا ئەندامێن پارتا وی بخۆ، ژ بەرکو کەنەدا گەهشتیە قوناغا هەرە بلندە بێ ئومێدیا ئابووری و گەشەکرنی.
هەر ژ هاتنا پێژیکا کۆرناێ و دیڤدا شەرێ ئوکرانیا و نووکە ژی ئسرائیل و دەڤەرا رۆژهەلاتا ناڤین بوونە پرسگرێکێن گەلەک مەزن بۆ گەلەک وەلاتێت دنیایێ نەمازە ژ لایێ ئابووریڤە، هەلبەت کەنەدا ژ وان سالا و هەتا نووکە رۆژ بۆ رۆژێ ئابوور و دەلیڤێن کاری و تێکچوونا سیستەما ژیانێ تێکچوو هەتا کو گەهشتیە وی رادەی کو ئێدی خەلک ژ بەرکیڤە خۆ ژ دەستەلاتا ترۆدی عاجز بکە و رەخنێن تۆند لێ بگرە و داخاز کر کو دەستان ژ کاری بەردە. هەرچەندە هەولێن مەزن کرن کو ڤی کاودانی چارە بکە لێ دیارە بارێ گەندەلیێ ژی هات سەر نەمازە بئینانا هژمارەکا هەرە مازنا پەنابەرا بۆ کەنەدا کو گەلەک ژوان بێ دەستوریێن پێتڤی گەهشتینە ڤی ولاتی. ئەڤە لدەمەکیە کو ولاتیێ کەنەدی بخۆ جهو و کار و خزمەتگوزاریا ژ هەژی بوو نینە کە چی بەردەوام ژی مشەخت د زێدەبوونێ دا بوون. لەوان ئەڤ هەموو شکەستنە بوونە خۆش رێڤەکەر بۆ پارتا کونسێرڤەتڤ کو رەخنین خو دژوار بکە لسەر پارتا دەستەلات بسەروکاتیا پییەرپۆلیڤەر کو دبیت ل هەلبژراتنێت سالا ٢٠٢٥ یان ژی د بیت بەروەخت تر بێن ئەنجامدا بسەرکەڤە.
بریارا جەستن ترۆدۆی هەرچەندە ژ بێ دەستەلاتی کر لێ گەلەک بوێرەکانە ل قەلەم ددەن و دیموکرسیانە هاتە پێش و دەست ژ کاری بەردا دەما دیتی کو ولاتێ وێ پێتڤی ڤێ پینگاڤێ یە. هەلبەت بریارا وی یا دووێ دێ ئەو بە کو دەستا ژ بەرپرساتیا سەرۆك وەزیران ژی بەردە لێ هەتا کەساتیەک دروست تێت هەلبژارتن بۆ پارتا لیبرال.
