زەنون سلێڤانەیی / زاخو
یەزدانێ مەزن ئەرد و ئاسمان دروستکرینە و پاشان هێدی هێدی نڤشێن مرۆڤان، ل سەر رویێ ئەردێ پەیدادبیت و چاڤێن خوە ل روناهیا جیهانێ شادکرن، هەر ئێك برەنگەکێ تووشی هەناسەیا ژیانێ دبن و بەردەوام چ بخوشیێ و نەخوشی ژیانێ دبنە سەر.
هەلبەت هەگەر ئەم ل دیروکا مروڤ و مروڤبوونێ بنێرین، کو دڤێ تێگەهشتن و فەلسەفەیا مروڤاێەتیێ دا زوربەیا ئاڤاکرنا وەلاتان وەلاتێن پێشکەفتی لسەر ملێن خوهـ و خوهدانا کەدا مروڤێن کرێکارو و شارەزا و خودان هزرو ئارەزوێن هەمەجور هاتینە ئاڤاکرن و دەستهەلات و شارستانیەت لێ پەیدادبن.
بەلێ زوربەیا وان دەستهەلاتداران هەر ئێك ژوان برەنگەکێ هونەرێ سەردەریکرنێ دگەل تەخا مروڤێن بێ هێزو بێ دەستهەلات دکەن، ئانکو بەشەکا نەتەوە و مێللەتێن جودا تووشی ستەم و نەهەماتیا وێ سیاسەتا خوەیا برێڤەبرنا دەستهەلاتێ دا کرینە، ژبلی پێشیلکرنا مافێ تاکە کەسی رێگرتن ل ئازادییا حەزو دەربرینێ ، بەلکو گەلەك جاران ئەڤ رەنگە مروڤێن خودان دەستهەلاتدار تایبەت ددەمێن زیندکرن و ساخکرنا بیرەوەریێن نەتەوەیێ و نیشتیمانی دا، رۆژێن جەژن و سەرسالاندا دبانگەوازو داخوەیانیێن خۆەیێن جودا دە لسەر شاشێن تیڤیان ڤان رەنگە بیرەوەریان هەنێ بدەلیڤە بخوە دیتینە دبێژن. ساخکرنا ڤان رەنگە بیرەوەرییان و بیرئانینێن هەنێ ئەم دکەینە پەیاما هەلگرێ ئاشتیێ و تەبابیێ و ئێگکرتن و ئێکرێزیێ و لێبورینێ، سەبارەت د دەربازبوونا رۆژ و دەمژمێرێن ساخکرنا ڤان رەنگە جەژن و سەرسالان بتنێ بووینە دروشمێ پەیاما ئاشتیێ و لێبورینێ و بێ کریار.
ئەڤجا یا فەرو پێدڤیە خوە ژڤی جورێ قالبێ کلاسیکی یێ ژەنگارگرتی بدەینە پاش، هەگەر مروڤ یێ کارو کریاران بن دلوڤانیێ و چاکیێ و خزمەتکرنا مروڤ و مروڤبوونێ کریار بسەلمینن هەمی رۆژ رۆژێن خودێ پری دلوڤانیێ و ئاشتیێ و گیانێ لێبورینن لێ هەگەر ئەم بهەڤرە بڤی ئاوایێ بکەینە دروشمێ کارو کریارێن خوەیێن باش و دادپەروەرانە ژبۆ خزمەتکرنا مرۆڤ و مرۆڤبوونێ دهەمی رۆژێن هەوە جەژن و سەر سال و شادی دبن.
