ل سوریێ چ ڕویدەت و چ ل پشت پەردایە؟

هەلبەت وەکو دیار ل دەڤەرا ڕۆژهەلاتا ناڤین، ڕۆژانە ڕۆیدانێن نە چاڤەڕێکری، دهێنە ڕویدان و ئەم هەمی حێبەتی و سەرسۆرما دمینین، هەلبەت ئەڤ ڕۆیدانە هەمی ب بەڕنامە و پلانن و وەڵاتێن زڵهێز و یێ دەستهەڵاتدار ل دەڤەرێ تێدا دبەشدارن، دەمەک درێژ ڤان پلان و بەڕناما دانن، لێ بو مە تشتەک دەملدەستە و ژ نشکەکێ ڤە ڕۆیدەن، ئڤجار هەر ئێک ب ڕەنگەکی ل قەلەم دەت و هەرچەندە موخابن، ئەم گەلەک ب گرنگی ڤە وەرناگرین، لێ گەر ئەم کویر بەرێخوەدەینێ،ئەڤ ڕۆیدانە هەمی ب‌چارەنڤێسا گەلێ کوردڤە دگرێداینە و لەوا ئەز ب گرنگی و کویر لێ دنێڕم و من دڤێت دڤان چەند خالێن خارێ دا، خاندن و دیتنا خوە بو ڕەوشا نوکە ل [سوریێ] و تایبەت ل باژێڕێ حەلەب و حەما و وان دەڤەرا بینم خارێ!
وەکی ئەز دبینم…گەلەک سیناوریو و پلان لپشت ڤان ڕویدانا هەنە و ژ وان سیناریویا:
1-پشتی بێهیڤی بوونا [ئەڕدوغانی] کو [ئەسەد] دگەل ڕۆنیت خار و پێکبهێت، ئەڤ گۆڕوپە دستویردان کو وان باژێڕا بگرن و کونتڕۆڵ بکەن، داکو فشارێ بێخن سەر[بشار ئەسەدی] مجبورکەت دگەل ڕۆنیت خار و پێکبهێت.
2-لاوازکرن یان نەهێلانا ڕۆلێ ئیرانێ و حزب اللە یا لوبنانی و عێراقی و [حرکە الجیهاد] ل وان دەڤەرێن بن کونتڕۆڵا وان دا.
3-لاوازکرن و پەرت و بەڵاڤکرنا وەڵاتێ سوریێ، وەکە وەڵات و ڕژێم، کو هەکە گەفەک هەبیت ژی ل سەر [ئیسڕائیلێ] ئێدی ئەو گەف ژی نەمینیت.
4-لاوازکرنا ڕۆڵێ هێزێن کوردی و دەڤەرێن د دەستێ [قەسەدێ] دا،کو ئەو ژی تورکیا ژمێژە ئەو د دلی دا و ڤێ ب دەلیڤە دزانیت کو ڤان پلانا بو دانیت.
5-هوشداریەک بو حکومەت و هێزێن عیراقێ و تایبەت گوڕۆپێن[شیعی] یێ بسەر [ئێرانێ] ڤە کو گەفەک مەزنن لسەر دەڤەرێ و [ئیسڕائیلێ] و یێ دبێژنێ هندە ڕۆژێن وەیێن دوماهیکێ دێ هێن.
6-دەست و پێن [ئێرانێ] بکەن دبن زکێ وان ڕا و بهێلن لاواز و دسەرکەراتا مرنێ دا، هەما ب ناڤ وەکە ڕژێم و دەستهەڵات بمینن.
ئەڤە و بەلکی گەلەک پلان و تشتێن دی ژی یێن ڤەشارتی هەبن ل پشت پەردا و هەمی ژی بسەرکێشیا ئەمریکا و وەڵاتێن زڵهێز و دەستهەڵاتدار لدەڤەرێ و هەلکرنا گولوپا کەسک بو دەولەتا [تورکیا] و وان گوڕۆپێن توندڕەو یێن ئسلامی، کو پلان و داخازێن وان وەڵاتێن زڵهێز  و ئێسڕائیلێ دێ بجهێن!!
ئەڤە خاندنا منە بو ڕەوشێ لێ دیسان بوچوون و دیتنن چ تشت ١٠٠%ێ نینە دگەل سڵاڤ و ڕێزا.