ئەسما مایی / ئەلمانیا
کۆڕکۆ دينۆ :
ل ئەڤێ پایزێ و بەلگ وەريانێ
وەرە دەستێ خوە ل دەستێ من
عەبدالا خودێ بدە بڕەڤينە لبەر بارانێ
دا خەلك و عالەم بزانيتن
ئە م يێن ئێکين حەتا نە مانێ
کچکێ دينێ:
ڕۆژا مە دەرکەڤتییە ئێدی ئاڤا نابیت
بلا چیڕۆکا عەشقا مە ل هەمی مالا بیت
ئەز دزانم چاڤێن بەکروکا ب مەڕا نابیت
لێ ئەشقا تە دێ دسەر هەمی تشتا ڕابيت
كۆڕکۆ دينو:
دەنگێ تە بۆ خەمێن من ژيانە
کەنییا تە بۆ من ئەشق و ڤيانە
تنێ تو يێ منی ئەڤێ بزانە
گەر تو نەبی جيهان بۆ من گورستانە
كچكێ دينێ:
چاڤێن ته يێن وەکی كانيكا ئاڤێ
دلێ من ئێخستە بەر ئەشق و داڤێ
تۆ گۆلا منی هەمی دەمان و ئەڤێ گاڤێ
تو چەند یا ماقيل و شرينی خاتوينا ناڤێ
