دلۆڤان ئاکرەیی
د قەدەرا کوردان وەسا هاتییە نڤیسین کۆ ل دەڤەرەکا پر گێلەشوک و رکمانی و هەڤرکییا بەردەواما سیاسی و ئابووری و چڤاکی ژ دایک ببن د دەڤەرکێدا کۆ ژلایێ ئایینێ ئیسلامێ ژی ب دەڤەرەکا پر کێشە و سەخت بو ژیانێ هاتییە دیتن و بناڤکرن د سەردەمێ بەری زائینێ و پشتی زائینێدا ژی ڤێ دەڤەرێ ئارامی ب خوڤە نەدیتیە ژ بەر وێ کێشمەکێشن چڤاکی و باوەریین هەین ل ناڤبەرا ئایین و نەتەوە و پێکهات و زمان و کەلتوور و فەرهەنگێن جودا ین ل دەڤەرێ لەوما دەستهەلاتدار و بریاربدەستان ب بەردەوامی بزاڤ بۆ قڕ کرنا هەڤدووکرینە و نەخاسمە ژی هێرشی سەر تەخ و چینن جودا ین چڤاکی کرینە و ئەو نەتەوە و زمان و ئایین جودا ین هەین ل دەڤەرێ کرینە ئارمانجێن حەزێن خۆ ین تایبەت و ئەو چەوساندینە ڤان خودان بریاران دلوڤانی ب هەڤ زمان و هەڤ کەلتورێن خۆ ژی نەبرینە و ب رێکا هێز و شیانان زولم و ستەم ب سەر خودان مافان سەپاندیە بۆ مەرەم و بەرژەوەندیین خۆ ین تایبەت د ڤان پێڤاژویان گەلێ کورد ژی وەکو ئاکنجیین رەسەنن ڤێ دەڤەرێ بەردەوام تووشی گەلەک جورێن دەردەسەری و مال وێرانی و ئاوەرییێ بووینە و ب ناچاری ژ بەر زولم و ستەما دەستهەلاتدارێن دەڤەرێ و ژ بۆ پاراستنا گیانێ خۆ و خێزان ومالباتا خۆ راستی گەلەک بریارێن سەخت و ژین و ژیارەکا ئالووز بووینە و ب بێ دل و حەزا خۆ ولات و دەڤەر و وارو مالێ خۆ ب جێ هێلاینە و بەرەڤ رێکێن تاری ب رەنگێ تاریستان و سەختییا رەوشێ و کاودانن دژوار چووینە بۆ مەبەستا خۆ پاراستنێ ل هێرش و بڕین و سوتن و قڕ کرن و جینوساید بوونێ ب رەنگەکی کۆ ب درێژاهیا دیروکێ د پارزینگێ ب ملێ وانڤە قەدەکا نانی تێدا بوویە و هانا خۆ بۆ ولاتێن جیران بڕینە هەر چەندە ئەو ولات ژی ل تێکدانا ناڤمالی و بێ بەهرکرنا مافێن گەلێ کوردستانێ د بێ پشک وبار نەبووینە و بۆ ئامانجێن خۆ ل گەلەک پشک و باران ژێ هەڤ خوش بووینە و پشترا ب شەر و پەڤچووین چووینە ل گەل هەڤ لێ قەدەرا کوردان ئەو بوویە کۆ د بەردەوامیا قوناغێن کاروانێ ئاوەربوونێدا ژماریەک ژ ولاتیین کوردستانێ بەرب ولاتێن روژ ئاڤا و ولاتێن کیشوەرێن جودا ڤە بچن و ل ڤان ولاتان بژین و درێژیێ ب ژین و ژیارا خو بدەن چێ ژبەر کاودانن سیاسی و سەربازیبن یان ین ئابووری یا کۆ من دڤێت خاندنەکێ بۆ بکەم ئەوە کۆ ئەز ب خۆ ژی ئێک ژ وان کەسان بوویمە کۆ ل قوناغێن ئاوەرەبوونێ ل ئێک ژێ ولاتێن جیران ژ دایک بوویمە یا کۆ من دڤێت بێژم ئەوە کۆ گرنگە رەڤەندا کورد ل ئەوروپا و ل روژئاڤایێ جیهانێ و ل دەرڤەی کوردستانێ ب گشتی ب بەردەوامی ل سەر وان ئامرازان کار کەن کۆ زاروک و نفشێ هاتی یێ گەلێ کورد کۆ دنهادا ل دەرڤەی ولاتی دژین د رەچەلەک و بنیاتدا کورد و کوردستانیینە و ژبەر ستەما دوژمن و نەحەزێن کوردستانێ ئەو بەر ب ولاتێن بیانیان هاتینە و ب رێکا هەلبژارتنن ناڤێن رەسەنن کوردی بۆ زاروکێن خۆهزرا کوردبونێ دمەژی وبیردانکا واندا چاند بکەن و ب هوشیارکرن و فێرکرنا وان ب فەرهەنگ و تیتالێن کوردان کۆ کورد و کوردستانی خودان دیروک و شارستانیەتا خۆ یا دێرین و تایبەتن وان هایدار بکەن کۆ کورد خودان دیروکەکا دێرین و پڕ قوربانینە و ژلایێ دەستهەلاتدارێن دەڤەرێ تووشی گەلەک کاودانن سەخت بووینە و جودا ژێ ڤێ گرنگە زاروک ل سەر باوەریبوون ب ئێکگرتن و هەڤ قەبولکرنێ بهێتە پەروەردەکرن کۆ کوردستان خودان گەلەک نەتەوە و ئایین و رەنگ و سیما و زمان و دەڤوک بوچونن جودایە و گرنگە کۆ پیتە ب زمانێ شرینێ کوردی بتایبەتی ژی دایک و باب و خێزان ل ناڤا ئەندامێن خێزانێدا ب کاربینن دا کۆ موهرا رەسانەتییێ کێم رەنگ نەبیت ل سەر ناخ و هەستێن وی گرنگە دلوڤانی و مەزناتیا وژدان و دلسوزی و قەهرەمانی و ب پیروز دیتنا پیروزیا و ئەمکداری و ڤیانا کوردان بۆ کوردستانێ و دوزا رەوایا گەلێ کوردستانێ ب رێکێن راستەقینە ب وان بهێتە شروڤەکرن و تێدا بەحسا وێ ستەما دەرحەقی ڤی گەلێ مەزلوم هاتیە کرن بهێتە بەحسکرن و باسی ولات و جهێ ئاکنجیبوونا راستەقینەیێ کوردان بهێتە کرن کۆ ولاتێ مە هەمیان ئێکە و کوردستان ولاتێ کوردانە و بۆ ڤی کیانێ نها هەی خوین و قوربانیەکا زور هاتیە دان و رەنج و سەختین مەزن هاتینە کێشان هەتا هاتیە هەبوونێ و گرنگە کۆ زاروین خۆ فێری وێ پێشکەڤتنا تەکنەلوژیا و جیهانگیریێ و زانست و زانیاریین سەردەم و ئایدولوژیا نوو و کار کرن ب جیوپلوتیکسا نوو بکەن کۆ ل پاشەروژێ ببیتە ئامراز و ئالاڤەك کۆ دخزمەتا ولاتی و کوردستانێدا بیتن و ب رێکێن دیپلوماسی و شیان و پێگەهێن خو ل هەر ئاست و بەرپرساریەتیەکێدا کار و گاڤ و تێکوشانان بهێنە کرن کۆ ئەڤ دوزە ب رێکێن جودا بهێتە پاراستن و دەنگێ کوردستانیان بگەهیتە چڤاکێن نیڤ دەولەتی و جیهانا دەرڤە و ولاتێن زلهێز کۆ گەلێ کوردستانێ خودان ئاخ و ولاتە لێ ب درێژاهیا دیروکێ بزاڤ بۆ خرابکرن و تێکدانا ڤی ولاتی و بنپێکرنا مافێن وان هاتییە کرن ژلایێ دوژمنن ڤی ولاتی داکو خێر و بێر و بەرهەم و ئاخا ڤی ولاتی بهێتە داگیرکرن و بۆ بەرژەوەندین خۆ ین کەسوکی و تایبەت ب کاربینن و وان ب هەردەمی گاڤ هەلاندینە بۆ فەتساندن و ژناڤبرنا ڤی گەلی لێ گەلێ کوردستانێ ل هەمبەر چێ دوژمن و داگیرکار و پیلانچیان چوک دانەنایە و تەسلیمی ئیرادەیا چێ دوژمنان ژی نەبوویە و بەردەوام ل چەپەرێ بەرڤانییێدا بوویە و چێ جاران هێزا هێرشکار نەبوویە بە لکو خۆلەکەکا ئاشتییێ ژی ب سەدان سالێن شەری نەگوهۆرییە.
گەلێ کورد خۆلەکەکا ئاشتییێ ب سەدان سالێن شەری نەگوهۆرییە
