زوھێر کۆرەمارکی
دبێژن ھندەکا پرسیار ژ ژنەکا دانعەمر و بنافسالڤە چووی کر ،گوتێ ئەڤینی چییە؟
ئەوێ ژی گۆت :ئێکەم جار من گول ئەڤێ پەیڤێ بوی ،ئەز زارۆکەکا بچووک بووم من ژ بابێ خۆ گولێ بوو ،ئەز ماچی کرم و گۆتی ئەز حەز ژتە دکەم بابو ،من ژی گوت حەز ژێکرن دلۆڤانی و ئەمان و ھەمبێزێن نەرمن .
دەمێ ئەز مەزن و بالق بوویم ،من نامەک لبن دەرگەھێ مە دیت ،جیرانێ مە فرێکربوو ،عنوانێ وێ ناڤێ من بوو ،ناڤەرۆکا وێ ئەز حەز ژتە دکەم .من ژی گوت حەز ژێکرن وێرەکی و دیناتی یە .
دەمێ ئەز ھاتیمە خاستن ،ئێکەم پەیڤ گۆتیە من ،گۆتی ئەز حەز ژتە دکەم ،ئینا من گۆتی حەز ژێکرن تمۆح و کارو ئارمانج و ئیرادەیە .
پشتی ھینگێ من شویکر ،زەلامێ من ماچیکرە ب سەرێ منڤە و گۆتە من ئەز حەز ژتە دکەم ،ڤێجا من گۆت حەز ژێکرن شەق و خەریبی یە .
گەلەك سال دەرباز بوون ،من زارۆکەك ھەبوو ،ئەز ماندیبووم لسەر تەختی ،زەلامێ من ھات و دەستێ من گرت و گۆت ،ئەز حەز ژتە دکەم ،ڤێجا من گۆت حەز ژێکرن سوپاسی و رێزگرتن و دلۆڤانی یە .
تەمەن درێژ بوو ئەم مەزن و بناڤسالڤەچووین ،ھەرجار زەلامێ من یێ خوشتڤی دابێژیتە من ،ئەز حەز ژتە دکەم ،ڤێجا من گۆت حەز ژێکرن ،وەفاداری و راستگۆیی و دلسۆزی و دانە .
ڤێجا گەلی ھەڤالان ،خوشتڤیان ئھا ئەڤە یە حەز ژێکرن ھندەک پەیڤن ھندی ئەم بناڤسالە بچین و مەزن ببین دێ نھێنیێن وێ ھەر مینن و دێ بینین !حەز ژێکرن ل دەسپێکێ یا بچووکە ،پاشی ھێدی ھێدی مەزن و گەورە دبیت ،ئھا ئەڤە یە حەزژێکرن کۆ چ جارا ئەو پیر نابیت ؟مرۆڤ پیر دبیت و ئەو ھەر دمینیت گەنج ،
ئو ئەڤینی نە ئەو تاوانن ئەوێن بناڤێ وێ دھێنە کرن ،ئەڤینی ژ وان تاوانا یا بەرییە .
دێ ڤێجا وەرن دا ئەم ھەمی پێکڤە ئاقارو زەڤی و بەیارێن ئەڤینیێ بکێلین و تۆڤچین بکەین و باش ئاڤبدەین و چاڤێ خۆ بدەینێ ،ژ ئەڤینێ مەزنتر نینن و ب ئەڤینێ دێ بسەرکەڤین و دێ خوشی و ئارامیێ چنین.
وەرگێران ب دەستکاریڤە
