ئارام دهوکی-کەنەدا
د سەر هنێرا کو ئەڤە پتر ژ ٣٠ سالانە هەلبژارتن تين ئەنجامدا کو نووکە د بیتە گەرا چەندین جارا وەکو ئەزموونا دیموکراسی تێت بەرقرارکرن. دیارە د هەمی جاران دا هەر پارتی بسەرکەتیە! ئەڤە لدەمەکی کو گەلەک گلە و گازندێت مللەتی هەنە ژ دەستەلاتا چەندین جارا تێت هەلبژارتن! گەلو نهێنیا ڤێ یەکێ چیە؟ کورد وەسان قانعن کو چ بەدیل پارت نین یان پارتی هەوقاس خودان جەماوەرەک بەرفرەهە هەر چەند کێمژی بن هەر جەماوەرێ وێ پترە یان یا شارازایە د خاپاندنا خەلکیدا بۆ رازیکرنا کو دەنگێ خۆ بدەنێ و بسەرکەڤن.
گەر هیریک د تەڤنێ پارتی بنێرین دێ بینی کو ژ دێر زەماندا ئەڤێ پارتێ هەردەم هەولدایە خۆ بگونجینە د گەل کاودان و دوخێ مللەتیدا دا کو خەباتا خۆ بەردەوام بکە. لدەمێ شورەشێ و خەباتا چیای خۆ وەسا نیشادا کو پارەتەک خودان رێبازەک پێشەنگە و بهزر و بیرێن خورتێن روشنبیر و پێشکەفتیخاز خەبات دوماند و وی دەمی ئاغا و مستەشار هەمی دابوون ئالیەکی خۆ گونجاندبوو د چارچێوێ بزاڤێن یازادیخازێن جیهانێ نە مازە تام چەپ و دیموکراتخاز. لێ پشتی بورینا دەمی گهورینا هاوکێشا جڤاکی و بەرفرەهەبوونا کاودانا بۆ گێرا دەنگدانێ لسەر سندوقان خەلک ژ بەرکیڤە ل رهێن بنەماکا خۆ گەریان کا ژ کیڤە هاتینە و مروڤان و عەشیرەتا وان کیڤە چووینە و چەوان دێ جارەک دن شێن بێ ترس جارەکادی خۆ نێزیکی ئێک بکەن و کوچکا ئاغا و سەروک خێلێن خۆ بەرز و بلند کەن، ئەڤ یەکە ژی دەستەلاتا هەردوو پارتێن دەستەلادار بتایبەتی پارتی ئەڤە بدەلیڤە دیت کو سەرکەتن ل دەنگدانێ پێتڤی زێدەبوونا دەنگانە لەوان گەلەک بسیستەماتیک پشتەڤانی لڤێ بیروکێ کر. لەوان جڤاکی ژ بەرکیڤە بەرێ خودا ڤێ هەستا پێ کەیف خوش ژ بەر کو خزماتی و پەیوەندیا خێلەکی گەلەک یا شرین بوویە د ناڤ کومەلگەها کوردیدا هەر ژ کەڤندا. ئەڤە ژ بلی خو گونجاندا پارتی د گەل کاودانێت هەرێمێ و نێڤ نەتەوی ژ بەر دیروکا خۆ یا درێژ و میزان راگرتنا بەتژەوەندیا وان خۆ بزانین پارسەنگ دکەت و گرێدنا سیستەما کوردستانێ بسیستەما روژئاڤە د بوارێ چاند و زمان و روشنبیری و ئابوری و ….هتد. دیساڤە براگرتنا دروشمێ پێکڤە ژیانێ دناڤا هەموو پێکهاتنێت کوردستانێدا و بهێزکرنا رولێن پارتێن کێم هێز و نەهێلانا ژ ناڤ چوونا و سوود ژ وان وەرگرتن بۆ سەقامگیریا هەرێمێ و دەڤەرێ.
بڤی ئاوای د سەر هەموو کێم و کاسیێن دەستەلاتا کوردی وەکو دیار شارەزایا پارتی و خو گونجادن د گەل کاودانێت جداجدا ل ناڤ جڤاکێ کورد و دەور و بەر و نێڤدەولەتی وەسان قەناعەت بۆ خەلکێ کوردستانێ چێکریە کو دەنگدان بڤێ پارتێ ژ هەموو پارت و لایەنێن دی یێن سیاسی پاشترە مینا کورد دبێژن ماستێ جەرباندی باشتر ژ دەوێ نە جەرباندی. وەسان دیارە گەر پارتی بشێت گهورینێت ناڤخوی یێن کو پەیوەندی ببرینا دەستێ گەندەلیێ و چارەکرنا ئارێشین موچەی و بەرخوردەک باشتر د دابین کرنا ئاسایشێ ژ لایێ وەلاتێت جیرانڤە د بیت پارتی بشێت رێژا دەنگێن خۆ بکەتە سێ قات و سەرکەفتن بەردەوام د زێدەبوونا بن لێ خۆ بێ ئاگەهکرن ژ بەرپرساتیا ئارێشێن بنەرەتی دبیت جڤاک بخو ژ بەرکیڤە یان رێژەکا هەرە کێم بچن بۆ دەنگدانێ بڤی ئاوای هەلبژارتن بخو دێ ئاستێ خو یێ یاسای ژ دەستەدە لوی دەمی بەری هەر پارەتەکێ پارتی دێ یا خوسارەت بیت. لەوان باشتر ئەوە بەری بگەهە وێ قوناغێ ئەڤ پارتە خۆ لڤێ یەکێ بکە خودان.
