محه‌مه‌د مراد
رۆژهه‌لات ناڤه‌راست جڤاكه‌كا سه‌یر و ئنتیكه‌یه، چاڤێ وان تنێ یێ ل بییانیان، كا دێ چ ته‌كنولۆژییا پێشكه‌فتی بۆ مه به‌رهه‌م ئێنن و دا پێ له‌زتێ بكه‌ن، وه‌سا د ساده وگرتینه، چه‌ند بخوینن، پێشناكه‌ڤن؛ چاڤێن وان یێن ل مۆدێلان و فه‌خ فه‌خه‌یان، نزانن ژیان ساده و نۆرمال گوپیتكا خۆشی یه. هه‌ر وه‌كی وان مرۆڤێن ئه‌ورۆپی و بیانی ئه‌وێن هنده شاره‌زا د زانست و ته‌كنولیجیا سه‌رده‌م دا، زۆر ب ئاسایی دژین، هه‌ر گرنگیێ ب ڤان پرسان دان ـ فه‌خ فه‌خێ و خۆ مه‌زنكرن و دفن بلندیێ ناكه‌ن، دزانن كا دێ چاوا مفای ژ ته‌كنولوژیا خۆ دبینن و چاوا دژین؛ پێچه‌وانه‌ی ژیانا مرۆڤا ل رۆژهه‌لاتا ناڤه‌راست دكارین بێژن مرۆڤێ رۆژهه‌لاتی وه‌سا هزر دكه‌ن سه‌یاره یا دیاركرنا زه‌نگینی و فه‌خ فه‌خێ یه، نه‌كه‌ره‌ستێ ڤه گوهاستنێ یه. هه‌ر دیسا مرۆڤێن رۆژهه‌لاتی هزر دكه‌ن جلوبه‌رگ یێن خۆ مه‌زنكرنێ و دیاركرنا دفن بلندیا مرۆڤی یه، نزانن تنێ جلك یێن خۆ ستاركرنێ نه و پاراستنێنه. مرۆڤێ رۆژهه‌لاتی وه‌سا هزر دكه‌ن خانی یێ فه‌خ فه‌خێ و خۆ دیاركرنێ یه ل پێش چاڤێن مهێڤانان، نزانن خانی تنێ یێ ژیانا خێزانێ یه و ب شێوازێن جوان و سڤك و ساده. هه‌تا نوكه هنده‌ك مرۆڤ رۆژه‌لاتی ب چاڤێ (رۆخسار) به‌رێ خۆ دده‌ن مرۆڤان، نزانن ئاقل و دل یێن هه‌یین. ئه‌م یێن د جڤاكه‌كا به‌رته‌نگ و خه‌ندقی دا دژین حه‌و ژ (خۆپه‌رستی) و فه‌خ فه‌خێ دكه‌ین. چو ده‌ما پێش ناكه‌ڤن. ڤێجا نها ژی هه‌می بووینه خۆنیشادانا ل سه‌ر سۆسیال مه‌یایێ و ڤدیۆ و ریلز و سنه‌پ و.. هتد. مرۆڤێ رۆژهه‌لاتی به‌هرا پتریا وان حه‌ز ژ تشتێ بسه‌رڤه دكه‌ن وه‌ك تیفلكێ پرته‌قالێ، حه‌تا سوبه‌هی بنڤێسم ب دوماهی ناهێت مرۆڤێن رۆژهه‌لاتی كا چ كاودانێن خاپاندنا چاڤ و دل و ده‌روونان دا دژین. ژیانه‌كا سه‌رڤه جوان و ژ ناڤدا ب ئێش و ناڵین و تژی كرێتی، له‌وا رۆژ بۆ رۆژێ پاشكه‌فتن و داكه‌فتن ژیارا وان داگیرد كه‌ت.
دەستخوش بابەتەک روژەڤێیە و گەلەک گازندە ژ ڤان جورە رەفتارا تێن لرن کو گەلەک د بێ بهانە د ناڤا جڤاکیدا. ئەڤ جورە بابەتە بئاوەیەکێ بەرفرە بێم نڤێسین دا دا هێدی هێدی خەلک خۆ بدە پاش.
ئارام