ئارام دهۆکی / سەرنڤیسکارێ گۆڤارا پێنگاڤ
وەکو دیار ئەڤە بۆ جارا گەلەکێیە گوڤارا پێنگاڤ بۆ دەمەکی د راوەستە ژ بەر ئەگەرێن جدا، لێ چەند جارەکێ راوەستیایە، جارەک دن کەتیە سەر وەشانێ برەنگەک باشتر. ئەڤ جارە مینا جارێن بەری نووکە وێ بدزاینەک و ستایلەک جدا کەفتە بەردەستێن وە یێن بەرێز. وەکو پێشنهات تێن کرن ژ لایێ دیسانێڤە وێ بدەستێن کەسانێن گەلەک بسەربوورتر وێ وەرە دروستکرن. ژ ئالیێ ناڤەرۆکێڤە، ئەم دخازین هەر بمینە گوڤارەک گشتی کو هەموو بابەتان بخۆڤە بگرە ئەڤجا بگرە ژ کوردستانێ و هەتا ئەورپا و ئەمریکا باکوور، ژ بەر کو گوڤار لسەر هێلا ئینترنێتێ وێ وەرە پەخشکرن و زێدەتر وێ بابەتێن مشەختان و کاودان و وەرار ئارێشان وان وێ بخۆڤە بگرە، لێ دیساڤە دکارە ببە پرەک دناڤەبەر کوردستانێ هەموو رەڤەندا کورد لدەرڤەی وەلاتی. لەوان مە حەزە کو هەر جهێ هوون لێ بن و وە مەیلا گهورینا ئالوگوریا پەیوەندیا هەبە یان گوڤارێ ژ مژار و بەرهەم ونووچەین خۆ بێ بار نەکەن ئەمێ د خزمەتا بەلاڤکرن و خۆرتر کرنا هەڤپەیڤنێ کەین دناڤەبەرا ئێکدا. هەر چەندە کورد دەمەکێ درێژە گەهاین دەرڤە و لێ ببووچوونا مە نووکە زەمینە گەلەک خۆشتر لێ هاتیە کو کوردێن ژ دەرڤەی وەلاتی پتر بکەڤن بزاڤی ژ بەر کو هەموو پێتڤیێن کو خۆرتبوونا رۆژنامەگەریا کوردی لدەرڤە و ناڤا مشەختان دا گەهانە رادێ بەرهەمهێنانێ، ژمارا کوردا ژ هەموو پارچێن کوردستانێ زۆر بینە و بسنس و پێکولا بازرگانی یا کومەلا کوردان ل ئاستەک باشە و نڤشێ نوو گەهایە قوناغێن باش یێن رۆشبنیری و تکنولوجێ و سیاسی و جڤاکی و….هتد. ژ ئالیەک دن کومەلێن کوردان مینا (مالێن کورد و بنگەهێن دیاسپورا) و کومەلەیێن جورا و جورێن کوردا لدەرڤەی وەلات، گەر ل گەل هەڤ کاربکەن وێ بکارن رۆلێن پوزەتیڤ پەیدا بکەن د پروسێسا بنایات دانانا لۆبیێ کوردی. ئەم وەکو تیما گوڤارا پێگاڤ وێ هەول بدەین خۆ ل هەموو قولیچ و گوشەیێن کێشەیێن کوردی بدەین و روناهیەکێ بێخین سەر هەموو بابەتێن نخافتی و کێم بەحسکری د ناڤ جڤاکێدا، لێ ئەڤ هەموو کارانە بتەنێ بمەڤە ناهێت لەوان ئەم حەزدکەین هاریکاریا وە یا هەمە رەنگ دگەل مە هەبە بۆ سەرخستنا ڤێ پێنگاڤا گەلەک فەر و پێتڤی بۆ ناڤخۆیا کوردستانێ و دەرڤەریا وەلات. پێتڤیە وەرە زمان کو سینگێ پێنگاڤ بەرفرەهانە یێ ڤەکریە ژ بەر کو بهەردوو زارێڤێن کوردی و بهەردوو ئەلف بێیا وێ وەرە وەشان و هەدیسا بۆ گەنج و نڤشێ دەرڤە ژی دەلیڤا نڤێسا زمانێ ئینگلیزی ژی هەیە. لدیماهیێ بهیڤیا نە راوەستانا ڤێ جارێینە و وەکو کارەک کومەلی ئەم ڤی ئەرکی ببەینە سەرە بۆ زێدەر نزیکبوون ل ئارمانجێ.
