وه‌لات ئه‌حمه‌د ئوره‌ماری
رێكێن هه‌ره باش یێن سه‌ركه‌ڤتنێ سه‌بر و هه‌داره، چونكی دووماهییا هه‌ر سه‌بره‌كێ خۆشیه‌كا جوانه،چ پَی نه‌ڤیچت ل گه‌ل وێ هه‌دارێ دڤێت خۆ ماندی بكه‌ی و زه‌حمه‌ته‌كا زۆر بخۆی، به‌س بزانه خودایێ مه‌زن زه‌حمه‌ت و ماندیبوونا كه‌سێ ل به‌ر ئاڤێڕا نابه‌ت، هه‌رده‌م بلا هزرێن ته ئه‌رێنی بن و كارێ خوۆ به‌رچاڤ بێخه. هه‌رده‌م بێژه خۆ ئه‌ز دشێم هه‌می كاران ئه‌نجام بده‌م و چو جاران چاڤه‌رێی چ كه‌سان نه‌به كو كارێ ته بۆ ته ساناهی بكه‌ت تو ب خۆ ده‌ستێن خۆ پێنگاڤان پاڤێژه و چاڤه‌رێی سه‌ركه‌ڤتنا خۆبه، بزانه ل پشت هه‌ر شكه‌ستنه‌كێ دووماهییا وێ سه‌ركه‌ڤتنه. هه‌رده‌م كارێ خۆ ب سه‌ركه‌ڤتیانه ئه‌نجامبده و ژ چو تشتا نه‌ترسه، چونكی ترس بتنێ بهانه‌نه بۆ سه‌ركه‌فتنا ته، ترس بتنێ هزره د ئه‌قلێ ته دا، نه‌ك زێده‌تر هه‌رده‌م سه‌ركه‌فتن ده‌ستپێكا وێ ئاریشه‌نه و ترس ئاسته‌نگن، پاشی ب ئانه‌هییا خودێ دێ ب ده‌ست ته‌كه‌ڤیت. سه‌ركه‌ڤتن ئانكو رامانا وێ هه‌بوون ژ ژیانێ و هه‌بوون بێی سه‌ركه‌فتن د ژیانێ دا نابیت. مه‌ره‌ما من هه‌ر كه‌سه‌ك ماندی دبیت هه‌تا ئارمانجا خۆ بده‌ست خۆڤه دئینیت، ڤێجا ب وێ ماندیبوونێ دێ گه‌هییه ئاستێن بلند و ده‌ستكه‌ڤتیێن باش ب ده‌ست خۆڤه ئینی، چ تشت بێی ماندیبوون نینه، به‌لێ پێدڤییه باش بزانی تو وێ ماندیبوونێ ب سه‌ركه‌فتیانه قه‌ره‌بۆ بكه‌ی و بگه‌هیه ئارمانج و هیڤیێن خۆ، مه‌ره‌ما من ژ ڤێ ئاها ئه‌ڤه‌یه كارێن سه‌ركه‌ڤتیانه.. كورد دبێَژن: حه‌تا پانیا ده‌ستی ره‌ش نه‌بیت تاما ده‌ڤی خۆش نابیت و عه‌ره‌ب دبێژن یێ شرینی بڤێت دڤێت سه‌برێ ل سه‌ر ته‌حلاتیێ كه‌ت. ئه‌ڤه ژی قانوونا ژیانێ یه، فیزیكی یه (قانوونا كاری و كارڤه‌دانا كاری) كو هه‌ر كاره‌كی كارڤه‌دانا خۆ هه‌یه ته‌مه‌تی وی یه ب قه‌باره‌یا خۆ و به‌ره‌ڤاژی یه د ئاراسته‌یا خۆ دا، دمینیته وێرێ مرۆڤی وێ ماندیبوونا خۆ بۆ خۆ بهێلیت و بزانیت ب ئه‌قلێ خۆ چاوا هه‌ر تشته‌كی بۆ به‌رژه‌وه‌ندییا خۆ و یا مرۆڤایه‌تیێ ته‌رخان بكه‌ت.. هینگی دێ بیته سه‌ركه‌فتنه‌كا خومالی.
